響日本燒肉 (已結業)

今日喺上环上 workshop, 上之前去咗铜锣湾 ❥⧽响 ❥⧽食放题, 食饱先有气力上堂㗎嘛。餐厅环境好宽敞, 卡座位好阔落舒适。𓊈美国及澳洲和牛放题 78 品料理 $𝟛𝟡𝟠𓊉呢个套餐可以食到 78 款烧肉, 炸物, 刺身, 寿司, 海鲜同埋雪糕。饮品同小食都放喺外面, 可以自己拎好方便。➺ 和牛烧肉拼盘12 格烧肉 & 蔬菜拼盘好靓呀, 可以试吓唔同部位嘅烧肉, 个人十分喜欢澳洲和牛胸腹, 雪花纹好平均, 烧完之后肉质好软腍。另外米泽三元豚西冷都喺我嘅 encore 之列, 充满油脂香, 好多肉汁。➺ 美国肉眼薄烧美国肉眼嘅口感同平时厚切牛排唔同, 整块放入口可以同步食到脂肪同瘦肉, 味道比较香浓 juicy。➺ 海鲜头盘海鲜头盘有生蚝, 三文鱼, 甜虾, 油甘鱼, 带子, 八爪鱼, 北寄贝同剑鱼腩。生蚝好大只, 味道清新, 鱼生全部都好新鲜肥美, 好好食!➺ 炸物天妇罗虾即叫即炸, 大大只, 啖啖肉, 仲有好多其他款式嘅天妇罗, 个人嚟讲觉得除咗烧肉外, 天妇罗都系必食 item。✧✧ 整体食物都好食呀, 最惊喜系雪糕唔限叫一杯, 都系放题嚟, 食得好满足。