Mata Japanese Cuisine

营业中

休息中

Mata Japanese cuisine 系一间位于长沙湾广场嘅日式料理餐厅，由地铁站行上去非常方便。炸穴子骨其实穴子骨就即系鳗鱼嘅骨，平时食鳗鱼最怕就系啃骨，但估唔到今次直接食又几得意，因为炸到好脆，以为都唔似食骨咁，可以咬得平，椒盐味粉比例刚刚好，值得试下新嘢，唔洗成日鸡软骨。大葱鸡肉串大葱烧得够时间，保留够多甜味，辛味就唔太劲，鸡肉系原旧鸡肉，所以口感会好过免治鸡肉棒好多。材料都保持到juicy.腐乳猪肉串呢个用腐乳酱虽然已经够哂特别，但个豚肉本身先系最精彩之处。入口即化的口感唔在讲，日本豚肉嘅精髓就系肉味浓烈但完全无骚味。盐烧白鳝新鲜嘅大白鳝选择用最简单嘅盐烧处理系最值得欣赏，啱啱好烧到刚熟，肉质保持到爽口弹牙。嫩鸡煨日式拉面呢个系一个比较fusion 左上海菜嘅拉面，鸡肉煨面味道比较顺滑啲，大量嘅蔬菜碎做配搭平衡下奶油汤底，每一啖肉菜面都有齐，好味饮品Fuji mountain Passion tea呢度无论系cocktail 定mocktail 造型味道都好用心制作，就算唔系食饭嚟，叫d 小食饮下嘢都好好，性价比好高。