台北倆伴

营业中

休息中

围方开咗咁耐都未嚟过，今日咁啱去沙田，就一于行过嚟睇吓啦。原来呢度都好多特别嘅餐厅，我哋就呢度嘅下午茶餐牌吸引咗入嚟，因为价钱真系好平。朋友叫咗呢个红烧牛肉面配卤肉饭，价钱竟然只系$56 ，加珍珠奶茶都只系$8 ，真系非常抵食。一上枱估唔到佢嘅份量咁大，而且卖相好靓，每一个都用个盘装住，好似真系去咗台湾咁。试咗朋友嘅一啖红烧牛肉面，汤底好浓，而且牛肉都好重牛味，份量好多。而我就叫咗花雕鸡麻辣拌面，估唔到个麻辣拌面都几辣，越食越开胃。而花雕鸡嘅酒味都好够浓，而且呢个餐仲配埋紫菜贡丸汤同埋蛋饺，真系好抵食呀。另外我哋仲叫咗个蟹盖小食，一上枱见到佢嘅卖相好靓，估唔到食落都好好味，入面有少少蟹肉捞埋杂菜，食落感觉好健康。呢间餐厅又平又抵食，而且座位仲好好坐，顺带一提呢度嘅侍应服务态度都好好，真系非常推荐大家嚟啊。