鳥正 (已結業)

好有日本feel的小店，位置坐得舒服，最厉害嘅系师傅一个人又烧嘢食又煮嘢食，又堂食又外卖，全部自己搞掂晒。每样食物都好好味，除咗系鸡皮咸咗啲。价格适中，呢个价钱有呢个质素，性价比高，推介👍🏻👍🏻👍🏻《大葱五花肉蛋盖定食+一罐饮品》- HK$75一嚟到，望落已经好吸引，啲蛋热辣辣，出晒烟，份量都多，蛋炒得好滑，上面有鳗鱼汁，捞埋啲饭一齐食几好味。五花肉烧得好香口，好味，又配埋沙律，有肉有菜。👍🏻《芝士鸡肉》- HK$65鸡肉好嫩口，好juicy，亦唔会有雪味同鸡嘅骚味，芝士唔系浓味𠮶啲，唔会好溜，同鸡肉一齐食好夹。 《鸡软骨》- HK$42鸡软骨真系食串烧必叫嘅食物，香脆可口，佢呢只仲带少少鸡油粒，又脆又香，都系无雪味同鸡嘅骚味。《鸡皮(盐/酱)》- HK$28鸡皮烧得脆，可惜偏咸，送酒可能会好啲。《鸡心》- HK$唔记得几多钱系酱烧鸡心，都几大粒下，钟意食内脏嘅朋友，一定啱食，Menu系冇嘅。《鸡髀菇》- HK$25呢个都系Menu上冇嘅，好juicy，爽口，原汁原味，上面淋咗少少豉油。《七味烧鱼翅》-HK$35好似鸡泡鱼干，但厚身啲，咬落唔会好干身，味道香口带甜，有咬口，送酒一流。《