漢龍雞煲烤魚

营业中

休息中

呢间专食鸡煲嘅餐厅性价比高值得一试。 佢啲鸡好新鲜好靓，而且啲鸡嘅脂肪含量比较低，所以一边食一边都唔使狂撇油。佢有个漏斗仔俾你计时，大约5分钟左右啦就可以食鸡同埋饮鸡食完鸡饮完晒鸡汤之后就可以开始打边炉，佢呢度嘅炸鱼皮都几震撼，因为好大块。侍应推介我哋食佢嘅韭菜饺，因为系自家制嘅，食落又真系几好味，啲韭菜好香。呢度嘅墨鱼滑都几好食，够新鲜又弹牙，一份仲要有两条，真系唔错。叫咗个杂菌拼盘嚟试，啲菇菌都几新鲜，而且比想像中份量多。酱料区有盖冚住都几卫生。