影片
更多
2021-10-12
2794 浏览
早排去会展行书展，经过新鸿基中心，见到呢间新开嘅韩式烧肉貊炙，今日就约埋老公特登过嚟二人世界。当日吸引我哋目光嘅就系呢个放满Dry Aged Steak嘅肉柜。所谓dry-aged意思即系经过几个星期风干后嘅牛肉，熟成嘅过程会将牛肉入面嘅水份蒸发出来，令牛肉嘅风味更加集中，并且令肉质变得更软更嫩滑。我哋想试熟成牛肉好耐，难得遇上呢间餐厅，于是就拣咗呢个餐厅推介嘅Steak Omakase。韩式前菜除咗有必定出现嘅泡菜之外，仲有水泡菜、大葱沙律、芽菜、腌蟹仔同茄子，而且呢度嘅所有韩式前菜都系可以无限追加。我自己就特别喜欢腌蟹仔同茄子，少少辣味非常醒胃。呢个set仲可以自选Appetizer，我哋就拣咗和牛他他。他他系将和牛制成三成熟，仲有提供紫菜同腌萝卜混合一齐食，入口即溶嘅他他肉质非常嫩滑，味道不错。韩式蒸蛋虽然看似简单，但其实充满蛋香，混合蟹籽同蟹柳一齐食，无论大人定小朋友都会好钟意。Steak Omakase分别有熟成酱油牛肋骨、和牛羽下肉、韩国五花肉，而是日熟成牛肉就系美国极级和牛。熟成酱油牛肋骨嘅肉质果然好柔软又嫩口，再加埋用酱油腌制过，真系无懈可击。而韩国五花肉看似肥腻，但经
当日吸引我哋目光嘅就系呢个放满Dry Aged Steak嘅肉柜。所谓dry-aged意思即系经过几个星期风干后嘅牛肉，熟成嘅过程会将牛肉入面嘅水份蒸发出来，令牛肉嘅风味更加集中，并且令肉质变得更软更嫩滑。
我哋想试熟成牛肉好耐，难得遇上呢间餐厅，于是就拣咗呢个餐厅推介嘅Steak Omakase。
韩式前菜除咗有必定出现嘅泡菜之外，仲有水泡菜、大葱沙律、芽菜、腌蟹仔同茄子，而且呢度嘅所有韩式前菜都系可以无限追加。我自己就特别喜欢腌蟹仔同茄子，少少辣味非常醒胃。
呢个set仲可以自选Appetizer，我哋就拣咗和牛他他。他他系将和牛制成三成熟，仲有提供紫菜同腌萝卜混合一齐食，入口即溶嘅他他肉质非常嫩滑，味道不错。
和牛他他
27 浏览
0 赞好
0 留言
Steak Omakase分别有熟成酱油牛肋骨、和牛羽下肉、韩国五花肉，而是日熟成牛肉就系美国极级和牛。熟成酱油牛肋骨嘅肉质果然好柔软又嫩口，再加埋用酱油腌制过，真系无懈可击。而韩国五花肉看似肥腻，但经过烧烤之后，会溜走多余嘅油脂，而且五花肉嘅油脂烧烤之后就会变得香脆甘香，所以绝对值得推介。
Steak Omakase
24 浏览
0 赞好
0 留言
和牛三角
$280
33 浏览
0 赞好
0 留言
食过烤肉之后，我哋就拣咗要个凉浸浸嘅平壤冷面，冷面汁微微带酸，非常开胃，而我就特别钟意佢嘅面质，口感非常Q弹。
我哋仲分别叫咗荔枝梳打($42)同提子梳打($48)，味道清甜而且仲有新鲜果肉。
最后食埋甜品，云呢拿雪糕上淋上热焦糖酱，真系食到甜入心！
我觉得呢一餐真系一个好好嘅体验，无论食物质素定服务都非常优质，Steak Omakase以$380/位呢个价钱享用到呢种质素，呢餐真系令我好满足！
张贴
