天府川菜

营业中

休息中

放假又同屋企人周围去觅食，今次嚟天后食川菜。餐厅环境干净企理，全部都系卡位，而且每一个卡位都好阔，坐得好舒服。食物款式都有好多，中午有午市套餐，包一杯饮品仲免加一，都几抵。另外都仲有好多特色川菜同小食，选择丰富。手撕鸡凉面凉面面质口感烟韧有咬口，鸡肉唔干而且入味，配埋爽脆嘅青瓜，口感更有层次，香辣开胃。回锅肉份量都几多，而且每一片回锅肉都大大块，脂肪位比例会多少少，但系胜在爽弹，唔会油腻，咸香惹味，送饭一流。午餐肉炒饭整体卖相已经见到炒得好靓，粒粒分明，炒饭够干身，而且有镬气，加上午餐肉嘅咸香配埋葱花同蛋嘅香气，唔错。红糖糍粑外皮炸得香脆，里面软糯，而且红糖汁甜度适中，配埋花生碎同豆粉一齐食，味道好夹。草莓益力多益力多味浓郁，加上新鲜草莓粒，味道清爽。冻柠檬茶茶底几香，食辣野饮几解辣。