蜀客 (已結業)

之前曾经食过呢度嘅食晚饭，印象好好，无论味道定环境都好掂，系食过嘅川菜餐厅之中性价比最高，所以今次约朋友来尖沙嘴呢边食饭就特意拣左来呢度食。今次我哋坐窗边望海嘅位置 。虽然对著个窗，但都唔会好热。呢度嘅店员招呼好好，经常主动斟茶。我地叫左个店员推介、星期一至五先有嘅精选午市酸菜鱼套餐，$298两至三位，性价比好高，我地对所有菜式都十分满意，同我第一次来食嘅水准一样！唔洗等好耐就上咗第一道菜，冷盘口水鸡， 有别于一般餐厅食嘅，呢碟口水鸡除咗有辣油辣椒，仲特别加左花生酱，食起来味道更丰富，并唔系千篇一律嘅麻辣味，每件鸡肉都好嫩滑，水准好高！套餐包两个成都担担面，加入麻酱、肉碎、花生、香葱拌匀，味道刚刚好，唔会太重口味，面条都好弹牙爽口！酸菜桂花鱼秘制酸菜所熬成嘅汤底，酸中带点辛辣，里面除左鱼，仲有好多芽菜、酸菜，每块桂花鱼片都无骨好易入口，尝起来有鱼嘅鲜味之余，口感亦都非常爽滑！香辣桂花鱼鲛香脆外皮内里系滑嫩嘅桂花鱼鲛，以干辣椒炒过后更为惹味。炒白菜系咁多浓味菜式之中点都要有返个清淡嘅炒菜去中和下！红糖糍粑微煎过嘅粑沾满糖粉，再点上香甜嘅红糖糖浆，烟烟韧韧，非常好食，一定要试嘅甜品！