蝦麵店 (海光街) (已搬遷) 新店位置

之前一路都好想试旧舖头，点知食唔切佢就已经搬咗入去大啲嘅舖面。新舖头入边光好多，以前个舖位太细又黑，就算想试都系谂住买外卖，但系新舖头可以坐多好多人，虽然啲枱都系细，同埋要坐高枱，但系放工时间系冇乜人，而且佢哋8:30就last order。以前冇食过虾面，以为会好似喇沙咁重口味，但系间舖头做得甜甜地，唔会好剌激，夜晚食完都唔会口渴。套餐包一碗面，虽然碗面有啲细碗，但系个套餐仲有一个小食加一杯嘢饮，性价比算系咁。面底拣咗老板娘推介嘅掺掺，全米粉又好寡，全油面又好肥，每样一半可以一啖食到两种棉质嘅粗幼同埋软硬度，啱啱好。