洪師父牛肉麵

营业中

休息中

星期日出沙田食嘢，度度都要等位，見到呢間牛肉麵冇咩人，又有卡位，諗住求其入去食碗牛肉麵…（不過入座位後就開始多人，之後出面仲要等位，好彩入得快）坐低後侍應會送上一杯濃茶，杯茶意外嘅好飲，不過怕飲得多瞓唔著，所以都係飲一杯就算。朋友嗌咗個紅燒牛肉麵，佢揀咗粗麵，個粗麵好煙韌，非常有咬口。個湯底清清地，有牛肉味，但味道唔算特別，牛肉正常，最出色都係個麵底。我就嗌咗個鹽酥雞排撈麵，揀咗椒麻醬，個雞排會配沙律上。雞排好食，夠香口同脆口，不過最正都係個椒麻醬，撈麵夠晒惹味。建議如果諗唔到食乜，又想平平地，呢間可以一試。