影片
更多
2024-05-18
132 浏览
两个为食嘅人，今晚去咗和道屋食佢新推出 星期一至日 任何时段嘅90分钟半放题（成人$388一位）。可以任食日本A4和牛，北海道米豚，广岛牡蛎寿喜烧，师傅即握寿司。另外仲有定量嘅时令刺身五款，和风沙律同埋自选五款即叫即生烧串烧/料理/天妇罗。最后仲有一杯雪糕。我哋喺地面开门入去，先要经过一条有宫崎骏卡通装饰嘅走廊先至到餐厅，好cute！入到去舖头，餐厅系简约日式设计，装修主要以木制品为主。枱同枱之间有一定距离，座位舒适，感觉良好。和风沙律菜新鲜爽脆。今晚嘅时令刺身五款系三文鱼，希灵鱼，带子，油甘鱼同埋八爪鱼。全部刺身都够晒新鲜，味道鲜甜！任食即握寿司中，油甘鱼寿司，火炙左口鱼裙边寿司，香葱吞拿鱼蓉军舰，同埋青芥辣八爪鱼军舰都令人回味。两款军舰嘅紫菜都好脆，大家记得即食先唔会嘥。火炙左口鱼裙边寿司啱啱烧起，带点微暖，左口鱼裙边经过火炙后食落充满油香。值得一提嘅系佢嘅手握寿司系即叫即握的。自选五款串烧中，我点咗甲罗烧，盐烧和牛粒，千崴米豚腩片，盐烧三文鱼头，同埋明太子鸡翼。佢哋嘅串烧系即叫即生烧咖，所以烧出嚟热辣辣！甲罗烧蟹膏味非常浓郁，必食！明太子鸡翼嘅咸香味味道都唔错. 千崴米豚腩片烧得
两个为食嘅人，今晚去咗和道屋食佢新推出 星期一至日 任何时段嘅90分钟半放题（成人$388一位）。可以任食日本A4和牛，北海道米豚，广岛牡蛎寿喜烧，师傅即握寿司。另外仲有定量嘅时令刺身五款，和风沙律同埋自选五款即叫即生烧串烧/料理/天妇罗。最后仲有一杯雪糕。
我哋喺地面开门入去，先要经过一条有宫崎骏卡通装饰嘅走廊先至到餐厅，好cute！入到去舖头，餐厅系简约日式设计，装修主要以木制品为主。枱同枱之间有一定距离，座位舒适，感觉良好。
和风沙律菜新鲜爽脆。
今晚嘅时令刺身五款系三文鱼，希灵鱼，带子，油甘鱼同埋八爪鱼。全部刺身都够晒新鲜，味道鲜甜！
任食即握寿司中，油甘鱼寿司，火炙左口鱼裙边寿司，香葱吞拿鱼蓉军舰，同埋青芥辣八爪鱼军舰都令人回味。两款军舰嘅紫菜都好脆，大家记得即食先唔会嘥。火炙左口鱼裙边寿司啱啱烧起，带点微暖，左口鱼裙边经过火炙后食落充满油香。值得一提嘅系佢嘅手握寿司系即叫即握的。
自选五款串烧中，我点咗甲罗烧，盐烧和牛粒，千崴米豚腩片，盐烧三文鱼头，同埋明太子鸡翼。佢哋嘅串烧系即叫即生烧咖，所以烧出嚟热辣辣！甲罗烧蟹膏味非常浓郁，必食！明太子鸡翼嘅咸香味味道都唔错. 千崴米豚腩片烧得金黄，肥瘦相间嘅腩片烧得好香。
任食寿喜烧方面，我哋点咗A4和牛同埋北海道米豚。A4和牛啲雪花好靓，同埋唔系脂肪多过肉𠮶种，所以唔会好漏。呢个价钱可以任食A4和牛，真系好开心。我哋都唔执输，叫咗几round A4和牛嚟食。佢嘅野菜拼盘，温泉蛋紫菜饭同埋温泉蛋稻庭乌冬都系任食㗎。
饭后甜品，有绿茶雪糕或者芝麻雪糕拣。绿茶雪糕有茶香唔算好甜。芝麻雪糕芝麻味好浓。
总括嚟讲呢个90分钟半放题性价比极高，刺身同埋寿司都好新鲜。全部生食熟食都系即叫即做，好高质。呢个价钱可以任食A4和牛，好抵食
张贴
