影片
更多
2021-07-21
289 浏览
唔知几时开始物价飙升到四五十蚊一餐饭都好闲。有时四五十蚊食堆猪潲般嘅劣食都要催眠自己「系咁㗎啦」。原来唔系㗎！呢个价位都可以有堪比高级扒房嘅质素！即使已经到咗下昼接近三点，呢间座落荔枝角D2 Place嘅金凤大餐厅依然座无虚席，我同朋友都等咗十零分钟先有位入座。我哋叫咗瑞士西冷牛扒（$62）同夏威夷猪扒（$58）；一碗罗宋汤一碗鸡蓉忌廉汤；饮品就一杯热咖啡同一杯热柠水。西冷牛扒同夏威夷猪扒嘅份量大到令人惊喜，完全符合扒房嘅定位，远远超越一般茶记嘅质素（但价钱居然唔差得几多，真系抵到烂！）而且好难得可以食到美国扒香嫩又带韧劲嘅肉质，易咬兼且充满肉汁，食到停唔到口。相比起外面好多煎到太硬梆梆嘅扒，呢间扒房简直嘅五星级教材！甜餐包同餐汤都几好。餐包有成个拳头咁大，比得好豪迈。我饮嘅罗宋汤黑椒味都几够，啱晒我呢啲钟意𠮶种辣辣哋刺激感嘅人。热咖啡都有啲惊喜，睇色相都大概估到奶比得够足，而且饮落口个质地好柔滑，非常舒服咁流过喉咙，可见咖啡同奶嘅比例拿捏得好好，味道上同口感上都好细腻（又一个超加分位！）tldr：好正，好抵，快啲去食！———————————————#金凤大餐厅 金凤大餐厅 (D2 P
原来唔系㗎！呢个价位都可以有堪比高级扒房嘅质素！即使已经到咗下昼接近三点，呢间座落荔枝角D2 Place嘅金凤大餐厅依然座无虚席，我同朋友都等咗十零分钟先有位入座。
我哋叫咗瑞士西冷牛扒（$62）同夏威夷猪扒（$58）；一碗罗宋汤一碗鸡蓉忌廉汤；饮品就一杯热咖啡同一杯热柠水。
西冷牛扒同夏威夷猪扒嘅份量大到令人惊喜，完全符合扒房嘅定位，远远超越一般茶记嘅质素（但价钱居然唔差得几多，真系抵到烂！）而且好难得可以食到美国扒香嫩又带韧劲嘅肉质，易咬兼且充满肉汁，食到停唔到口。相比起外面好多煎到太硬梆梆嘅扒，呢间扒房简直嘅五星级教材！
甜餐包同餐汤都几好。餐包有成个拳头咁大，比得好豪迈。我饮嘅罗宋汤黑椒味都几够，啱晒我呢啲钟意𠮶种辣辣哋刺激感嘅人。
热咖啡都有啲惊喜，睇色相都大概估到奶比得够足，而且饮落口个质地好柔滑，非常舒服咁流过喉咙，可见咖啡同奶嘅比例拿捏得好好，味道上同口感上都好细腻（又一个超加分位！）
tldr：好正，好抵，快啲去食！
———————————————
#金凤大餐厅
金凤大餐厅 (D2 Place) (荔枝角)
荔枝角长顺街15号D2 Place二期3楼312号舖
张贴
