影片
更多
2025-02-22
0 浏览
之前已经同朋友食过荔枝角 D2 Place 一期嘅 银座炎蔵烧肉，觉得好正，所以今次再黎！🔥🍖成间餐厅装修都充满日本风情，行入去即刻有种一秒穿越到东京银座嘅感觉，气氛好正！🎌 职员服务亦都好贴心，真系食得舒服又开心。今次我哋叫咗炎蔵二人餐，价钱唔算贵，仲可以试到正宗和牛，性价比超高！套餐有两款头盘:**泡菜**：佢哋嘅泡菜唔算好辣，反而带少少酸甜味，好开胃！**炎蔵沙律**：一大碟沙律，配埋香脆银鱼仔，味道清新之余食到银鱼仔卜卜脆，口感好丰富👍🏻烧肉:1. **上等牛舌** ：牛舌切得厚薄适中，烧完之后啖啖肉香，口感嫩滑但唔韧口，大推！2. **炎蔵和牛「极致」4拼盘** ：有 **和牛羽下、上后腰脊肉、和牛龟之甲、和牛三筋肉**，每款部位都有唔同嘅口感同油香，特别系「龟之甲」，肥瘦比例完美，超嫩，「和牛羽下」更加唔使讲，烧完入口即化，真系好满足！3. **虎虾** ：虎虾新鲜、肉质弹牙，烧完保持咗浓浓海鲜味，有膏😚主食：**和牛咖哩饭** 🍛：咖哩汁香浓，重点系入面有粒粒和牛肉，已炆得好腍，配埋饭一齐食真系好掂！甜品：我哋拣咗 **日本产柚子雪糕** 🍋：雪糕口感绵密幼滑，柚子味香甜
成间餐厅装修都充满日本风情，行入去即刻有种一秒穿越到东京银座嘅感觉，气氛好正！🎌 职员服务亦都好贴心，真系食得舒服又开心。
今次我哋叫咗炎蔵二人餐，价钱唔算贵，仲可以试到正宗和牛，性价比超高！
套餐有两款头盘:
**泡菜**：佢哋嘅泡菜唔算好辣，反而带少少酸甜味，好开胃！
**炎蔵沙律**：一大碟沙律，配埋香脆银鱼仔，味道清新之余食到银鱼仔卜卜脆，口感好丰富👍🏻
烧肉:
1. **上等牛舌** ：牛舌切得厚薄适中，烧完之后啖啖肉香，口感嫩滑但唔韧口，大推！
2. **炎蔵和牛「极致」4拼盘** ：有 **和牛羽下、上后腰脊肉、和牛龟之甲、和牛三筋肉**，每款部位都有唔同嘅口感同油香，特别系「龟之甲」，肥瘦比例完美，超嫩，「和牛羽下」更加唔使讲，烧完入口即化，真系好满足！
3. **虎虾** ：虎虾新鲜、肉质弹牙，烧完保持咗浓浓海鲜味，有膏😚
主食：
**和牛咖哩饭** 🍛：咖哩汁香浓，重点系入面有粒粒和牛肉，已炆得好腍，配埋饭一齐食真系好掂！
甜品：
我哋拣咗 **日本产柚子雪糕** 🍋：雪糕口感绵密幼滑，柚子味香甜清新，系完美嘅甜品
结尾！
整体体验黎讲好唔错，尤其要赞一赞抽风系统💨烧肉餐厅最怕系食完成身都系油烟味，但呢到食完成晚都冇大阵味留喺衫上，呢点真系大加分！食物质素又高，环境舒服，加埋职员态度好好，实在非常满意🍴🥳
张贴
