324
3
5
| 餐厅: | 銀座炎蔵燒肉 |
|---|---|
| 资讯: |
为推动全港减盐减糖新饮食文化及新生活态度，环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」，参与食肆会提供少盐少糖选项予顾客，部份更会提供特定减盐减糖菜式。参与减盐减糖食肆会获发计划标志，以供张贴於店舖内，供顾客识别。详情可在此浏览：https://www.eeb.gov.hk/food/cn/committees/crss/restaurants.html
影片
港铁荔枝角站 D1 出口, 港铁荔枝角站 D2 出口
继续阅读
电话号码
37098150
开饭介绍
来自银座的烧肉店，以日本产A4黑毛和牛及其稀有部位作招徕，在日本烧肉专用网上烧制可瞬间锁紧肉汁，让你享受高质日式烧肉。
继续阅读
营业时间
今日营业
11:30 - 15:30
17:30 - 23:00
星期一至日
11:30 - 15:30
17:30 - 23:00
公众假期
11:30 - 15:30
17:30 - 23:00
公众假期前夕
11:30 - 15:30
17:30 - 23:00
*Last order: 15:00 (Lunch) / Last order: 21:30 (Dinner)
以上资料只供参考，请与餐厅确认详情
有关奖赏计划
上个月去到日本旅行，由于老婆食嘢偏向少食红肉，而和牛一类油脂咁重嘅就更加唔啱，所以，一餐日式烧肉都无试。而日式烧肉都好一阵子无食过，揾番好此道嘅亲友聚一聚兼食番餐。今夜，就嚟到「D2 Place One」嘅「银座炎藏烧肉」探店，佢喺东京银座嘅过江龙，主打日本和牛同多处罕有部位，值得一访。一室传统日式嘅木系环境，配以柔和灯光，感觉几舒服，我哋被安排坐晌卡位，感觉宁舍阔落，最钟意喺挨背加高咗个屏风，令前后嘅骚扰度大大减低。此外，近门口有个冻柜，放满唔同部位嘅和牛，望上去蛮吸引。餐具、纸巾、简单嘅调味早已放好晌枱上，玄米茶亦由侍应缓缓送上，下单可用枱旁嘅二维码。而烤炉抽风采用下抽式，且够强力，所以，食完成晚都唔会一身油烟味，赞。讲到食物选择，单喺用嚟烤肉用嘅黑毛和牛就已经非常之多，有啲更喺稀少部位，睇图都令人留晒口水。当然，食烤肉就仲有豚肉、鸡肉、海鲜、野菜……等等供应啦。此外，食事、一品料理、饮品、酒类及2、3、4人套餐，都一应俱全。不过，扫二维码进入点餐版面，会发现选择仲会多啲。菠萝乳酸梳打、草莓番石榴乳酸梳打 $42食烤肉咁热焫焫，梗喺要饮冻饮啦，所以，我哋同样拣嚟冰冻嘅梳打边食边饮。小弟向来甚好菠萝，加埋乳酸，甜酸爽集于一身，衬烤肉真喺非常夹；而亲友杯草莓番石榴乳酸梳打卖相靓仔，味道清新酸爽，配烤肉真喺无得输。炎藏和牛「极致」4点拼盘 $398啲和牛有多款拼盘，拣拼盘当然比散点划算，我哋就点咗一份4点盛，唔使担心唔知自己食咗乜，每款肉都有个牌仔介绍，包括：和牛上等肋肉、和牛肋肉、和牛龟之甲同和牛鞍下，睇到个卖相同啲和牛嘅色泽，已叫人心动。和牛上等肋肉有个「上等」二字，信佢喺好嘢嚟，试试佢先。睇上去油花好靓，加上厚切，烧到微焦，入口既有肉味，又有脂香，肉质细腻且极富肉汁，不失上等之名。和牛肋肉呢一款裁出嚟更厚身，外型就好似平常食韩烧嘅牛肋肉咁，但就切成一件件，而且，仲鎅晒花。比起和牛上等肋肉，呢个肉味更浓，口感软腍有嚼劲，沾点盐，肉味更突出。龟之甲好特别嘅名，唔止第一次食，个名都喺第一次听，原来喺大腿一个位置。裁成薄切，轻轻焫一焫两面就食得，油脂无咁重，肉质细致嫩滑，油香跟肉香都较平衡。和牛鞍下又喺一个未听过嘅部位，但卖相真喺吸晴，薄薄嘅一大片，油花如大理石纹般，称为霜降更有意境。入口油香澎湃咁晌口腔涌流，甚有入口即化嘅感觉，沾上烧肉汁真喺一流。海鲜三味 $188食完4款和牛，可谓各有亮点，每款都好精彩。跟住落嚟，就唔少得试试海鲜，选呢款「海鲜三味」就最好，一份海鲜试晒帆立贝、虎虾同大鱿筒，睇见色泽闪𫞠𫞠就知新鲜货，童叟无欺。帆立贝雪白嘅帆立贝喺连壳成只摆晌炉上烧，烧至收收哋水就差唔多，入口口感鲜嫩，甚具弹牙感，此外，味道鲜甜带点点海水咸鲜味，绝对食得出喺新鲜靓货。虎虾超级大只，真喺有成只手掌咁大，烧至转色，再焫一焫背脊厚肉位就食得，因为背脊位已鎅开，食用方便。咬落肉质爽口，甚富虾嘅鲜甜味，虾头仲带有少少丰腴嘅虾膏。大鱿筒大大只鱿筒已经剪成一圈圈，烧到焦黄，沾上烧烤酱汁再烘一烘，更加惹味，而食落柔韧有咬口，却唔会好似轫到擦子胶咁，同样好食。蔬菜拼盘 $68食咁多肉，唔食番多少少菜平衡吓好有罪恶感，一份蔬菜拼盘有齐多款蔬菜就最好喇。啲蔬菜烧过之后，跟平时灼菜、烚菜风味唔同，又跟炒菜唔一样，有少少焦香味，而且，收咗水，粟米、南瓜更甜，菇菌更香。石锅拌饭 $88净喺烤肉、烧海鲜，怕唔够饱，所以，嗌一客食事，简简单单叫咗石锅拌饭，嚟到滚热焫，饭面铺满唔同嘅蔬菜，够营养又健康，仲加只日本蛋，将所有食材捞匀，食味一流，饭底仲有少少脆口嘅饭焦。日本产柚子雪糕 $28、季节限家软雪糕（芒果、苹果味） $38最后，追加两客甜点作结。小弟觉得柚子雪糕比较有啲似雪葩，但估唔到，咪睇佢白潺潺，好香柚子味；而另一款软雪糕好软滑，淡雅嘅芒果同苹果味，食落唔错，仲洒上少少脆筒碎，添几分脆口感。总结而言，呢度唔单环境舒服、雅致，招呼好到位，侍应亦有礼，而食材喺极具质素，尤其主打和牛，牛肉控嘅朋友值得嚟一嚟。午市会供应一啲和牛烧肉套餐，相信性价比更高。
继续阅读
🥩银座炎藏烧肉🥩每个月尽量安排一日不带小孩的约会❤️ 今个月安排咗位于荔枝角嘅银座炎藏烧肉😎吃到很多和牛稀有部位，大满足🥰.🥩和牛极致定食（3种）$248厨师严选3个部位，选择困难症嘅解决方法系，将问题交俾专业人士决定😂1️⃣龟之甲：第一次食，原来系和牛大腿四头筋，油脂分布较少，口感清爽，食多玫块都唔怕漏☺️2️⃣和牛肋肉：肉味更浓郁，油花更重，有嚼劲，食肉兽的挚爱😍3️⃣和牛友三角：牛腿肉中一个三角形的部位，油花极多（欣赏下佢优美嘅霜降纹），却同时吃到瘦肉的强烈肉味，双重享受💕.🥩和牛羽下。贝身烧肉定食 $198我仲专登google边个位置比较油先order😎1️⃣羽下：和牛肩胛位置，油花分布如羽毛细致🪶，口感软嫩有弹性😋2️⃣贝身：和牛中腹接近腰脊位置，肉汁丰沛，吃著齿颊留香🤤.🍳月见紫菜饭（配兰王蛋）$48已经叫了定食（有白饭）还是要另外点的月见紫菜饭，总觉得吃和牛烧肉不能缺少它🙈 餐厅超有诚意地选用兰王蛋，美丽的橙红色蛋黄，蛋香扑鼻，这样的蛋才经得吃生吃的考验👍🏻.🍹白桃乳酸梳打 +$22🍹巨峰提子乳酸梳打 +22
继续阅读
早几日收工留咗喺荔枝角食同朋友食埋个晚饭先走估唔到D2 Place呢间烧肉真系唔错👍🏻🥩 炎藏和牛「极致」六点拼盘 ($588)拼盘分别由和牛六个不同部位组成，每款都有三块，分别系和牛龟之甲、和牛上后腰脊肉、和牛臀肉盖、和牛贝身、牛友三角及和牛羽下。🐄🤠首先由属于赤身部位既和牛龟之甲及和牛上后腰脊肉开始试起，虽然赤身部位油脂唔算好多但话哂都属于和牛中的稀有部位，食落牛味浓郁口感清爽。😋跟住就到和牛臀肉盖及和牛贝身啦，相对起之前果两款，呢两款既油脂会比较平均，食落肉质柔软肉味甜香，如果想略为为和牛增添少许调味，可以沾上少量嘅烧肉汁或海盐，更有风味。😋最后既和牛友三角及和牛羽下，应该系霜降和牛之中的佼佼者🤩对比以上果四款，呢两款都系比较少见既和牛稀有部位，小编今次终于有机会试到啦！😜 和牛油脂就好似大理石纹一样分布得细致均匀，食落无论油脂香及肉味层次都好丰富，小编仲建议可以沾上少量新鲜磨制既wasabi ，辛辣感令到肉味更加浓郁且可以减低和牛油脂带黎既腻感。🔥🔥🥩和牛西冷薄切大判烧 ($238)大判烧黑毛和牛西冷大大块，基本上每边大火烧5-10秒烧到五成熟再沾上蛋浆食，入口牛肉柔软油脂感十足仲充满蛋香，真系够哂惹味。🤭🍙 月见紫菜饭（配兰王蛋）($48)食得烧肉又点可以唔叫返碗白饭拌来一齐食，月见紫菜饭就可以一次过满足晒小编几个愿望，日本米香加埋兰王蛋香仲有紫菜，配埋和牛烧肉一啖放入口，的确系滋味无穷话咁快几啖就食完碗饭啦。🍚🍚🍚
继续阅读
银座炎蔵烧肉今次要介绍一间喺荔枝角嘅一间烧肉店叫「银座炎蔵烧肉」，呢间烧肉店系来自日本东京银座嘅过江龙，佢哋主打日本和牛同提供咗多款唔同罕有日本和牛嘅部位，烧肉店位于喺D2 Place ONE商场入面，入到去通道算阔落，轮椅人士去食都超级方便，店员好快就安排我坐适合轮椅嘅位置，一坐低店员会递上2杯麦茶，呢间烧肉店系用QR Code落单，落单之后日本和牛就好快就上枱，不过个炉就比较猛火，好容易黐底，最后叫店员帮手搽油喺网上面，食完之后仲可以喺餐厅门口玩自拍机，果部自拍机只要望住镜头就会帮你著和服，都几搞笑下！1.和牛上等肋肉定食+定食前菜$198+巨峰提子乳酸梳打$22（10/10）呢碟和牛上等肋肉定食套餐非常丰富，净系食前菜都好丰富，前菜包括有泡菜、沙律菜同牛骨汤，叫咗定食套餐仲会有一碗日本米饭，至于和牛上等肋肉真系好味到不得了，叫得上等真系无叫错，和牛上等肋肉嘅油花非常平均，牛味非常浓，咬落油脂非常香，每一旧和牛肋肉系厚切，肉质非常软淋，和牛上等肋肉一共有6大旧，必叫之选！饮品叫咗巨峰提子乳酸梳打，不过我觉得梳打水落得太多，饮落太多气，盖过哂本身巨峰提子乳酸味道，如果落少d梳打水就更好饮！2.和牛咖哩饭定食+定食前菜$118+菠萝乳酸梳打$22（9.5/10）呢碗和牛咖哩定食套餐都非常丰富，净系食前菜都好丰富，前菜包括有泡菜、沙律菜同牛骨汤，至于和牛咖哩饭入面嘅咖哩汁甜甜地，辣度系微辣，和牛粒入口即化，完全唔韧，必叫之选！饮品叫咗菠萝乳酸梳打，不过我觉得梳打水落得太多，饮落太多气，盖过哂本身菠萝乳酸味道，如果落少d梳打水就更好饮！3.日本产鸡腿肉$48（10/10）呢碟日本鸡腿肉肉质非常嫩滑，好新鲜无雪味，一共有3旧鸡腿肉！4.上等牛舌$98（8/10）呢碟上等牛舌可能因为系薄切关系，我觉得比较韧咗少少，又容易黐喺网度，一共有6片上等牛舌，我自己本身比较钟意食牛舌，今次呢碟上等牛舌有少少失望！5.日本产柚子雪糕$18（10/10）呢一球日本柚子雪糕比较有惊喜，食落真系有柚子果肉喺雪糕入面，雪糕好滑，必叫之选！6.冲绳海盐雪糕$18（9.5/10）呢一球冲绳海盐雪糕食落口有淡淡海盐味，雪糕好滑，唔错！2人总共价钱$618.2，其他有加一服务费！个人口味总评分：9.5/10@ginzaenzohk 地址：荔枝角长义街9号D2 Place ONE 3楼302号舖Please follow me🙆♂️ @wheelchaireatinhongkong 如果钟意我嘅分享，麻烦请follow我，仲有记得Like同Share！🙏🏻🙇🏻♂️#银座炎蔵烧肉 #烧肉店 #香港美食 #荔枝角美食 #荔枝角好去处 #hkig #hkboy #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
继续阅读
在荔枝角D2 Place的隐秘角落，「银座炎藏烧肉」以其东京银座的血统，带来了一场和牛的盛宴。店内炉火烈烈，仿佛能听见肉汁在高温下锁住的滋滋声，每一块和牛都是对味觉的极致诱惑。从和牛世身到上等肋肉，每一片肉质都如同艺术品般细腻，油脂与肉的比例恰到好处，入口即化，让人沉醉于那浓郁的肉香与多汁的口感之中。在这里，不仅是品尝美食，更是一场对日本和牛文化的深刻体验。精选自日本顶级和牛的上等肋肉，纹理细腻，脂肪分布均匀，宛如大理石般美丽。轻轻煎烤至表面微焦，内部依然保持柔嫩多汁。每一口都能感受到肉质的鲜美与油脂的香浓，仿佛在舌尖上演了一场奢华的味觉盛宴。和牛世身，取自牛的腰部最嫩部位，肉质极为细嫩，几乎不含筋膜。经过低温慢煮，再用高温快速封煎，锁住肉汁的同时，表面形成一层诱人的焦香。搭配特制的酱汁，每一口都是对味蕾的极致诱惑。和牛芯芯，取自牛的脊髓部分，肉质极为细腻，脂肪含量适中，入口即化。这道菜通常采用低温慢煮的方式，使肉质更加柔嫩，再用高温快速煎烤，形成完美的外焦里嫩。每一口都能感受到肉质的鲜美与油脂的香浓，仿佛在舌尖上跳动著一首优雅的乐章。和牛友三角，取自牛的肩胛部位，肉质紧实而富有弹性，带有适量的脂肪，使得口感更加丰富。这道菜通常会先用香料腌制，再低温慢煮，最后高温煎烤，使肉质达到最佳状态。每一口都能感受到肉质的鲜美与香料的完美融合，仿佛在舌尖上展开了一幅精致的画卷。
继续阅读
您可能会有兴趣的...