多利民素食 (已結業)

呢间素食店平时初一十五系好难揾到位、非常之满座。好彩我哋平日中午去，就唔需要等位已经有得食。佢嘅𩠌有分两个价钱：一个系纯菜式，份量较大；一个套餐价钱（大约40-50$），包一碗饭、汤，当然咁𩠌嘅份量系较细。今日系佛手瓜汤，其实好钟意饮呢间餐厅的中汤，因为冇乜味精，同住家汤差不多。套餐本身系包黄色𠮶细碗，但可以加$5就upgrade去到大碗，够两个人饮添啊。黑椒素鳗鱼饭，呢个系我最钟意嘅菜式，每次黎，我都必定点嘅。佢腐皮炸得好香口、有紫菜、入面嘅就系好似素鸭嘅质地！底仲会有D菜，更加健康炸香芋藕饼，朋友超钟意呢个𩠌，但我个人就觉得较为热气，不过当然系非常之香口啦。套餐就只有3块，咁佢就切开左六件。如果系斋𩠌，咁佢就会有六件藕饼，即系总共12件。