多利民素食 (已結業)

呢間素食店平時初一十五係好難搵到位、非常之滿座。好彩我哋平日中午去，就唔需要等位已經有得食。佢嘅餸有分兩個價錢：一個係純菜式，份量較大；一個套餐價錢（大約40-50$），包一碗飯、湯，當然咁餸嘅份量係較細。今日係佛手瓜湯，其實好鍾意飲呢間餐廳的中湯，因為冇乜味精，同住家湯差不多。套餐本身係包黃色嗰細碗，但可以加$5就upgrade去到大碗，夠兩個人飲添啊。黑椒素鰻魚飯，呢個係我最鍾意嘅菜式，每次黎，我都必定點嘅。佢腐皮炸得好香口、有紫菜、入面嘅就係好似素鴨嘅質地！底仲會有D菜，更加健康炸香芋藕餅，朋友超鍾意呢個餸，但我個人就覺得較為熱氣，不過當然係非常之香口啦。套餐就只有3塊，咁佢就切開左六件。如果係齋餸，咁佢就會有六件藕餅，即係總共12件。