多利民素食 (已結業)

骨子裏完完全全係食肉獸的我很難判斷齋菜的味道，不太能作準。五榖黃瓜湯，勁多湯渣，其實淨水可以的了。甜美湯汁充滿瓜味蘿蔔味蜜棗味，如果溫度再燙一點就更好飲一點。菜甫炒蛋，色香味俱全使我不能自拔，真係要撈兩三碗飯先夠喉！青豆粟米紅蘿蔔添上甜味，跟菜甫咸味擦出火花，最後仲有爽嫩清甜芥蘭墊底呢。菜甫蛋勁足料真係好好味，必定要狂撈飯！絕對能夠送兩大碗飯都綽綽有餘。羅漢齋湯麵，真係好齋！估唔到係白色四川拉麵，幸好嚥韌不太腍，頭頭有點淡加辣椒醬提味舒服許多。西蘭花金菇肥牛，西蘭花有點腍不爽脆，肥牛像真度極高，以假亂真！味道質感近乎完美。白飯，有飯焦而且微溫不熱，立即要求嬸嬸換過碗新鮮熱辣，天淵之別。乾燒伊麵，足料好好味！最衰廚師忘記走芽菜，我又要續條挑走，挑乾淨後碟伊麵凍晒喇，食味急降！素肉雜菌伊麵，原本三分鐘可以食完，因為要花時間慢慢挑走所有芽菜，用上十幾分鐘消滅，阻住還枱給其他食客享用晚餐呢！。金瓜湯，到底金瓜是什麼？南瓜湯？味道甜甜的，我不喜歡甜湯的。麒麟卷，原來真身係榨菜肉絲腐皮，煎得十分香口可愛。榨菜咸咸脆卜卜搭著嚥韌素肉，水潤的餡配乾爽的皮，整體還可以。發財好市，真的有蠔豉味喎！大量髮菜

今日去斯大埔依間多利民素食，嘉欣大埔係素食沙漠。我就叫咗一個羅漢齋炆伊麵，價錢係OK嘅，味道都唔錯，但係真係太油。所以我就同貌似老闆嘅人講叫佢唔好咁重手，因為真係好油唔該唔係好健康。盛惠$$56，而家一杯豆漿，價錢真係算唔差。但美中不足嘅地方係佢部份櫈係圓櫈，所以坐得唔舒服。呢度有好多唔同款類嘅餸菜，但通常都係配白飯，如果要轉面嘅話通常要加$10。我覺得轉麵要加$10好似有少少Overpriced

聽說這家是一間大埔老店，今天終於有機會光顧，因為有朋友推介必食他的麒麟卷，所以專程去試一試。麒麟卷當然必叫，另外問店員有什麼值得一試，她推介我們可以試一試他們的香芋蓮藕餅，因為很多客人都喜歡點。另外我們還要了一份細的酸齋拼盤。麒麟卷果然名不虛傳，外層當然是腐皮，不過似乎皮比較厚身，炸好後做到外面是炸腐皮的鬆脆，內裏卻有保留腐皮的新鮮豆味，口感一流！它的餡料主要是榨菜和素肉做的肉絲，然後再配上一些菇菌，味道非常匹配，值得一試。香芋蓮藕餅味道也不錯，將蓮藕切片然後釀入芋茸，落鑊炸，所以很香口。酸齋拼盤強差人意，主要是其溫度太低，似乎是直接由雪櫃取出，剪開後直接上枱，當然明白酸齋是冷盤，但此酸齋感覺太冰冷令味道失色。午餐時間送上來湯或豆漿，我們選了例湯，清清的蘿蔔湯感覺很好。

第一次黎食，座位不多，環境好舊吓…望住個餐牌，好多選擇。原來可選兩餸套餐，包白飯素湯。研究咗好耐，終於揀咗黑椒素鰻魚拼茄汁素鴨，鮮茄滑旦素肉拼黑椒素鰻魚，選擇少飯。鰻魚原來係炸腐竹紫菜卷，淋上淡淡的黑椒汁，微微的黑椒幾提味！剛炸起的齋燒鴨，淋上鮮茄醬汁，好味又健康！兩餸有生菜墊底，老黃瓜雜豆紅蘿蔔素湯清甜無味精。46蚊一人套餐，仲要好味健康！推介。

大埔不嬲都多嘢食。今日又準備出街食午飯。但最近食得太多肉，今日想素一吓。於是就嚟試吓食素啦。齋菜嚟到喇，配咗一碗湯同一碗白飯。齋菜嘅款式都尚算豐富。而且味道都唔錯。

大埔墟感覺素食餐廳不多，多利民應該算是最Common的一家吧？午市套餐主要分3個價位：$43、$46、$48：$43的基本上遵循一般的蔬食，例如羅漢齋、怡香茄子、咖哩雜蔬、紅燒豆腐之類的；$46的則是傾向加工素肉 或 齋料類，例如煎藕餅、黃花魚、鰻魚、素雞、素鴨、素乳豬之類；$48的多數是含蛋類，例如奄列、炒蛋等，還有一項叫麒麟卷的東西。熊貓比較偏好 #原型食物，當然選第一項啦！原來同一價位的還可以選雙拼呢~最適合選擇困難症的人士🙈🍛 怡香茄子 拼 紅燒豆腐飯 - HK$43份量挺足，上菜時有一座小山丘。碟底鋪上時菜，纖維量足，而且不油膩。🍛 香煎藕餅 拼 素乳豬飯 配 黑椒汁 - HK$46同伴點選了第二項，香口一點但相對份量稍微遜色。由於是雙拼，藕餅只有小小一塊，乳豬份量亦不算多；不過藕餅夾有蘿蔔碎及金菇碎等，屬手工之作。至於醬汁，客人可選茄汁、黑椒、豉油等，但黑椒汁基本上吃不太出有黑椒味。配是日例湯 或 豆漿 (可選無糖) 推薦指數 (5分為滿)：🐼🐼🐼總體來說，這家餐廳提供的是很家常的味道，但價格親民，選擇豐富、

⭐️ 多利民素食 (大埔) ⭐️小妹係大埔由細食到大既一間平民素食店，d餸好好味，又抵食。好多街坊都好鐘意食，有時週未都要排下隊。講自己碟餸之前要講多利民有好多野食，碟碟都真係幾好食，佢煲既湯都好好飲，最緊要係冇味精。⭐️ 滑蛋素肉拼鰻魚飯配茄汁($46) 🍚⭐️鰻魚其實係腐竹用紫菜包住拎去炸，加埋蕃茄汁，中和返好脆口既感覺。蛋炒得好香好惹味，而佢地有「菜底」，好健康。🕋環境指數：7/10 店鋪較細，但衛生企理。😋美味指數：9/10 正👩🏻‍🌾服務指數：8/10🤑抵食指數：10/10 好抵好食🙋🏻‍♀️推介指數：9/10 推介！📍地址：大埔寶鄉街43號地下——hkfoodiecooking ——

今日同屋企人去食飯，媽咪話想食素食，於是就即刻開openrice search下大埔有咩選擇，見到呢間多利民都吾錯，就一於試試啦。我記得自己食素食都好幾年前，感覺都係吾錯的。大約7點左右到餐廳，人吾算太多，裝修都係簡單為主見到有我最鐘意既菠蘿咕嚕肉，一定吾可以錯過la, 要試下素食版咕嚕肉最後叫左4個餸，有羅漢齋，煎芋絲藕餅，乳豬，咕嚕肉。乳豬係最特別，雖然都食到個味係吾同，不過個口感都造得幾似。其餘兩個餸都還可以，藕餅入面加左芋絲我好鐘意我最期待既咕嚕肉，一咬落去果下真係好似，而且比肉造既咕嚕肉更好味，因為冇左油膩既感覺，甜甜酸酸好開胃，呢個係最滿意

第一次入大埔搵素食餐廳，搵咗一陣好似唔係好多經營素食餐廳。依間平民而獨特嘅素食餐廳小店食完之後，必有下次。最要介紹，素食餐廳多數入貨素肉質數相差一段距離，因此好睇廚師手藝，如何將素肉煮得入味好吃及感覺食緊真肉類係一個好大技巧。結果令人驚喜，雜扒唔係同一款味道，真係食得出素扒既分類。另外，佢哋仲引入新豬肉嘅菜式，留待下次光顧。出餐方面，都比較爽快，一邊食一邊留意6至7點期間，都比較多人叫外賣，約平均等5至6分鐘可取，得到街坊信任及支持。另外，埋單嘅時候發覺佢哋有捐款俾「流浪牛之家」。 好中意啲細店舖賺錢之餘又有善心，唔多嘅慈善機構得到好大嘅關注同網絡，一個小小嘅捐款箱，可以引起善心者關注係一件美好嘅事。回饋社會護持生命亦係推廣素食嘅重要元素。

多利民素食這間餐廳在大埔十分有名，我家住大埔，晚上都經常去幫襯。雖然好多時候都要同人地搭枱，我自己覺得冇乜所謂。最鍾意食係佢個麒麟卷，係呀一個炸腐皮包住啲榨菜同埋其他材料整成嘅一個菜式，香口美味，你可以加黑椒汁或者番茄汁，配埋一個冇味精嘅湯，非常推介。

遊慈山寺畢回程，健談的士司機見我們想吃素，便推介大埔一家素食餐廳，說歷史悠久且價廉物美。叫甚麼名字？「真係唔知叫咩名喎！」堅熟客才會說的話。坐卡位，叫了兩個套餐：蓮藕支竹飯、紅燒豆腐飯，跟例湯。另外還點了一客素叉燒。三個菜都有「菜底」（謝謝阿姐溫馨提示），所以沒有點蔬菜。先來例湯。是老黃瓜湯，沒有味精，是天然、家的味道！還有蘿蔔和豆等煮的湯，喝得好滿足。接着飯餐上桌，很大碟的餸，蓮藕支竹較濃味，蓮藕炆得剛好，還有冬菇和花生。紅燒豆腐較淡，但配菜甚多，包括木耳、蒟蒻、豆角、冬菇等。叉燒熱辣炒起，十分惹味，又有菜底中和油膩感。老闆以至阿姐們都好好人，加上素食價錢相宜且美味，大埔人真幸福~

雖然n_cc不是茹素人士 不過也頗喜愛品嚐不同既素菜式 加上平日嚐肉既機會已經夠多 為身體也該食得健康一點 食一下素食 清淡一下呢間多利民素食素食店係大埔開業多年 積存了不少長期捧場客  未到7點就已經全店坐滿 坐無虛席 若遇上初一十五 門口更是大排長龍 人頭湧湧多利民素食屬舊式素食店 有著各式各樣的傳統素菜 雖然多利民有像真度極高的叉燒以及咕嚕肉不過當晚卻點了香煎芋絲藕餅、時菜麒麟卷、煎釀三寶以及荔芋魚 香煎芋絲藕餅 煎得香脆可口 芋香味濃  不過略嫌煎得有點太乾身 也吃不到藕在內  時菜麒麟卷是每次必點菜式之一  不單份量大餡料份量亦十足雖然菜式平凡 用的亦都是再普通不過的蘿蔔腐皮之類 不過各樣併在一起味道可不得了 口感豐富 味道亦不俗 煎釀三寶用了其他素菜包着素魚 外形也相似 整體口感特別 荔芋魚也是每次必點之一 一般素菜店也都會有 外脆內軟 鬆軟味濃 入口芋香滿滿 令人滿足以素菜店來說價錢中上不算特別平宜 食物水準平穩雖然如此還是會再encore

來到鄉事會路又自自然然到素利民，偶然來一下也不錯！午餐時間，卡位已坐滿客人，唯有坐在中央的大圓枱，面向著店前的馬路。店裡的阿姐叫我們看牆上白色的餐牌，也有很多款式，於是點了兩個餐，跟湯，而無選擇豆漿。這是間街坊素食店，來幫襯的多是熟客，樓面阿姐和老闆都會跟客人閒聊幾句，感覺很親切！老黃瓜湯，眉豆、花生、紅蘿蔔煲起來很清甜，飲一碗熱騰騰，兼且完全無油的湯！黑椒素黃花魚，用腐皮和紫菜做到魚皮、魚麟模樣，下面有青菜墊底，還有芡汁，很好味！麒麟卷，腐皮捲著炸菜粒、冬菇粒、素肉粒等，因全件炸，略為少少油膩！

今日有事入大埔，咁就去試下呢間齋鋪。入去環境平民化，張張枱都有人，咁我就背大門坐係佢張大枱。大枱有圓櫈同有椅櫈，我就坐張有椅櫈，點知收銀亞哥就唔高興，要我坐過d。一，我無阻到人出入。二，好聲好氣d或者加句唔該。我都會感覺似番個客。OK，坐好無人理，自己叫亞姐落單。叫咗個怡香茄子飯。無耐d碟齋就出嚟。但明顯係裝出嚟，d餸菜係煮定加熱。仲要係唔夠熱。味道就一般，入面茄子放面，生菜做底，加上有雜豆小許。另外仲畀我揾到半粒草菇同一又三分一條麵根。唔係難食嘅！不過⋯⋯ 其間有枱客咳咗幾下，我係客都未覺得有問題，但個亞哥又怨起上嚟自己口噏噏。講真人地咳兩下啫，唔使俾面色人睇㗎！$42有湯有飯有碟餸其實唔可以要求d乜。但係大埔，大把餐廳可以選擇，我唔會再去。完。

呢間素食店平時初一十五係好難搵到位、非常之滿座。好彩我哋平日中午去，就唔需要等位已經有得食。佢嘅餸有分兩個價錢：一個係純菜式，份量較大；一個套餐價錢（大約40-50$），包一碗飯、湯，當然咁餸嘅份量係較細。今日係佛手瓜湯，其實好鍾意飲呢間餐廳的中湯，因為冇乜味精，同住家湯差不多。套餐本身係包黃色嗰細碗，但可以加$5就upgrade去到大碗，夠兩個人飲添啊。黑椒素鰻魚飯，呢個係我最鍾意嘅菜式，每次黎，我都必定點嘅。佢腐皮炸得好香口、有紫菜、入面嘅就係好似素鴨嘅質地！底仲會有D菜，更加健康炸香芋藕餅，朋友超鍾意呢個餸，但我個人就覺得較為熱氣，不過當然係非常之香口啦。套餐就只有3塊，咁佢就切開左六件。如果係齋餸，咁佢就會有六件藕餅，即係總共12件。