影片
更多
2021-09-02
3045 浏览
自从有次同呀妈食完花胶鸡煲之后，佢就爱上咗，于是我就揾咗几间同佢逐一拜访。今日我哋去咗位于湾仔嘅「痴胶鸡」，其实我之前已经食过太子店，系觉得唔错先敢带佢嚟😝。湾仔店座位比太子店多，但如果坐满人，就会有少许迫。店内挂上唔少粉笔画，上面画咗漫画角色，几得意😎。印象中太子店都有类同嘅画，绝对系餐厅嘅一大特色。小店主打鸡类菜式🐓，而湾仔店提供嘅食物种类更多，包括各式饭同小食等。餐厅定价相宜，大部份饭面平均只售$5X，实属经济之选。花胶鸡煲翅($148/半只)，虽然食翅唔环保🙈，但间唔中食一次就算啦，难得呀妈开声话想食。花胶鸡煲连埋热锅上，全程可以饮住热辣辣嘅鸡汤🔥，超正，如果系冬天食就更加不得了。鸡汤味道浓郁，唔会过咸，而且并无味精，饮完都唔会口干。𩠌料方面，两个字形容哂：足料！🐔半只鸡份量多，有齐鸡髀、鸡翼同鸡胸等，大大啖肉啱哂我，肉质长期滚住都无变嚡；而呀妈就好滋味咁噒骨，仲话噒到口都攰埋，哈哈。另外，花胶同鱼翅同样系爆多，出手阔绰👍。鱼翅大大块，明显见到一疏疏，而花胶更估计有成十片，好滋补呢。米线($15)，呢个系跟鸡煲追加嘅配料，除咗面之外，佢仲有牛肉、竹轮同菜等选择。🍜粉面底可拣上海
自从有次同呀妈食完花胶鸡煲之后，佢就爱上咗，于是我就揾咗几间同佢逐一拜访。今日我哋去咗位于湾仔嘅「痴胶鸡」，其实我之前已经食过太子店，系觉得唔错先敢带佢嚟😝。
湾仔店座位比太子店多，但如果坐满人，就会有少许迫。店内挂上唔少粉笔画，上面画咗漫画角色，几得意😎。印象中太子店都有类同嘅画，绝对系餐厅嘅一大特色。
小店主打鸡类菜式🐓，而湾仔店提供嘅食物种类更多，包括各式饭同小食等。餐厅定价相宜，大部份饭面平均只售$5X，实属经济之选。
花胶鸡煲翅
$148
52 浏览
0 赞好
0 留言
𩠌料方面，两个字形容哂：足料！🐔半只鸡份量多，有齐鸡髀、鸡翼同鸡胸等，大大啖肉啱哂我，肉质长期滚住都无变嚡；而呀妈就好滋味咁噒骨，仲话噒到口都攰埋，哈哈。另外，花胶同鱼翅同样系爆多，出手阔绰👍。鱼翅大大块，明显见到一疏疏，而花胶更估计有成十片，好滋补呢。
米线($15)，呢个系跟鸡煲追加嘅配料，除咗面之外，佢仲有牛肉、竹轮同菜等选择。🍜粉面底可拣上海面、米粉、米线、薯粉或者饭，我哋要咗米线，佢本身已经煮开咗，所以加啲汤整返热佢就食得。米线面质唔淋，份量亦都多，食返条面感觉饱肚啲。
金砖豆腐
$32
29 浏览
0 赞好
0 留言
日本猪软骨
$34
28 浏览
0 赞好
0 留言
蜜糖鸡翼($34)，本身想嗌黑椒薯仔牛柳粒，但售罄，唯有转食鸡翼🍗。虽则都系鸡，但口味同鸡煲完全唔同，所以唔会有「又系鸡」嘅感觉。鸡翼炸得几香脆，用蜜糖调味基本上唔会中伏。
胎菊罗汉果茶
$18
16 浏览
0 赞好
0 留言
总括嚟讲，呀妈对呢餐有赞冇弹，亦都充份表达咗我嘅意见。餐厅表面唔出众，但全靠实力煮出美食取胜😋。再者，呢度性价比高，食埋翅二百蚊都唔使，可以去边到揾呢？如果钟意食花胶鸡嘅朋友，不妨帮衬吓痴胶鸡。
张贴
