一本食堂

营业中

休息中

放工后到观塘逛逛，商场到处都充满节日气氛，未到圣诞已经有圣诞的感觉，明明都仲系返紧工，已经有唔想返工想放假的感觉呀。今天我的觅食之旅，找到一间位于鸿图道的日式料理店一本食堂。还记得友人话曾经想去呢间店试下，今次正好满足了佢的愿望。餐厅布置挺漂亮，光线亦充足。今日唔算好肚饿，加上天气冻冻，点左两件生蚝，三文鱼加洲卷，一碟刺身，同一个锅物。先讲生蚝，估不到日式料理店有生蚝，而且系时令的，今晚的系法国生蚝，都系$13蚊只，价钱都算抵食。甜美蚝肉，淡淡的海水味，很适合作开胃前菜。点左一个特色刺身，大约$58元，有海胆，希灵鱼，虾，三文鱼同鱿鱼，性价比很高。海胆的份量比想像中还要多，鲜甜味香！可以系我今年里边食过咁多间日本店中，性价比最高的菜式！三文鱼软壳蟹加洲卷（$76）总共六大件，足料大大份！乌冬海鲜锅（$86），虽然面头放了好common的蟹柳，但内里材料都好丰富，有虾、蛤、青口、蚝、金菇、冬菇、豆腐。汤汁雪白甘甜鲜美，吸收了海鲜的精华。更重要呢，用餐完成后每人送雪糕一杯，为今晚晚餐画上完美的句号。埋单加埋一都系270蚊左右。