La Paloma

营业中

休息中

最近发现咗呢间西班牙餐厅，晚餐$458一个人食到咁多嘢，质素高，真心抵食。由tapas讲起先，伊比利亚黑毛猪火腿用橡木果喂饲嘅黑毛猪，肉味香浓有层次，配埋蕃茄包清新开胃，绝配！牛肉他他够新鲜，调味恰到好处，配埋脆脆幼薯，口感丰富。蚬有蒜蓉牛油香味，仲配埋多士。西班牙三文治真系惊喜！啲芝士溶溶地，伊比利亚火腿香浓，加埋黑松露香味，层次感十足。牛颊肉就慢慢炖到软绵入味，个薯蓉滑溜，配埋新鲜嘅西兰花同蘑菇，完美平衡。压轴嘅西班牙海鲜饭！饭粒煮得够干身够弹牙，海鲜有鱿鱼、蚬、青口、虾。最后个甜品西班牙炸脆条，外脆内软，沾埋香滑嘅朱古力酱，配埋云呢拿雪糕，完美ending！呢度餐厅环境舒适，啱小组聚餐。