水門雞飯 (豉油街)

营业中

休息中

星期日午餐去左旺角豉油街嘅水门鸡饭食lunch，时间两点几都仲系坐满人。餐厅用QRCode落单。我同朋友两个人叫左假日午餐set凤尾虾泰式金边粉，包左杯饮品，要左冻泰式咖啡少奶。加配马拉盏肉酱芥兰苗，好抵赞系落单可以加埋汁另上，煮淋d嘅选项，非常好！另外再叫左个泰式清汤腩船河转金边粉，加 生牛肉，猪粉肠。饮品单叫香茅特饮再加配左个小食 和牛串烧 x2泰式清汤腩船河转金边粉份量都几大碗腩肉偏瘦但唔会干或者太韧，大大件都有三至四件。加𩠌嘅生牛肉，猪粉肠 份量正常。生牛肉质素唔错，唔会有膻味。猪粉肠食落都干净。汤底嘅大蒜同白萝卜都几好食，汤底比较清淡，饮落都舒服解渴。金边粉爽滑。凤尾虾泰式金边粉上碟好香，卖相都唔错。配上花生碎，青柠汁，酸甜开胃，夏日炎炎食落都好舒服。炒金边粉口感弹牙有咬口，配上芽菜，蛋等配料好香。凤尾虾大只咬落爽口。整体味道唔错。加配左嘅 马拉盏肉酱芥兰苗 非常有惊喜。芥兰苗新鲜，马拉盏肉酱叫左另上，份量都几多，肉碎足料，香味四溢，食上口都唔会觉得好油。难怪店有一樽樽马拉盏肉酱出售，质素确系唔错。小食 和牛串烧 一串有4粒，咬落超嫰而且保留左好多肉汁，牛肉味都好香浓，烧嘅时