住家飯

营业中

休息中

谂住系屋企附近食个下午茶，呢间之前都间唔时有食，都知道一向都无乜服务可言，今日老细唔系度啲伙计更加变本加厉，话说三点五十分直入，得返门口张台，行入去无人问几位都算，咪自己谂住坐底，坐底前都比个短发阿姐喝「睇住滚水啊」（我𠮶刻其实拉紧张櫈），好啦，让让你先。坐底自己scan QR code睇下食乜啦，睇睇下有卡位埋单，咁我又未落单咪自己转过去啦，转到过去成台上手嘅野未执，咁我等等啦，睇住食乜先啦，等左2分钟未见有人理（当时有成3个伙计）一个系收银，两个系入面近出餐位，咁啱有个阿姐行过咪问下可以唔可以执执野，我唔知个阿姐系听唔到，听唔明定点，完全无视，连一个「嗯」字都无，无反应咁直接行咗去收银，坐多半分钟又无人理，得，既然你地咁把乜闭，我咪走啰，祝你地生意长做长有。