東海堂 (長沙灣廣場)

营业中

休息中

今日放lunch 行过东海堂，突然被厨柜既一种「紫」吸引住。小妹并唔系紫色既爱好者，但就系被呢一只紫吸引。原来系东海堂一个新产品 - 「恋上冲绳．100%紫薯」。虽然小妹唔系紫色既爱好者，但绝对系紫薯既忠实粉丝。所以决定买几件新产品，做一个完美既下午茶先。冲绳恋薯挞 (hk$20)外形一睇就已经好吸引小妹了，颜色好抢眼好亮丽，份量都好足够，绝对物超所值。首先先吃佢最顶部既紫薯，入口好实在，甜度好适中，系口中慢慢移动，会吃到一阵阵既紫薯香。真系层层有惊喜，冲绳恋薯挞有好多个层次，先系丰富既紫薯包住整个薯挞，再有一层朱古力海绵蛋糕。以为已经到底? 不是不是，再深深向下吃，就会见到一层薄薄既奶油，再下一层又会甩到朱古力海绵蛋糕。层次分明，口感好丰富，而且配搭既朱古力海绵蛋糕，都能够同紫薯互相挥影，真系天作之盒。挞底更有一层朱古力，松脆，香口。真系好完美既一个甜品。冲绳紫薯卷 (hk$16)呢一件甜品我就觉得比较平凡，因为紫薯份量唔算多，反而觉得紫薯系配衬卷物既装饰品，紫薯味道亦唔突出。反而被朱古力抢佐戏份。