Flames (海濱匯)

营业中

休息中

疫情放緩之下，我哋今晚嚟到觀塘食西餐。職員都有幫我哋昌量咗體溫先安排座位㗎～本身意住叫一個主食再叫小吃，不過睇完餐牌之後牛扒同燒雞都想食呢！今晚叫咗一份燒肉眼牛扒配大蝦薯條，我哋叫咗五成熟塊呀，牛扒多汁又嫩滑，仲食到好重肉嘅味添啊，而大蝦都烤得好香口，好味～另外，我哋再叫多份葡式香辣燒雞，可以自己選擇配香烤雜菜或者揀薯條，因為牛扒已經有薯條啦，所以我哋揀咗香烤雜菜，食咁多肉都要有啲菜先得㗎嘛～雖然係烤雞，但係食落仲有肉汁添，唔會好乾身，而雜菜就有薯仔紅蘿蔔同埋翠玉瓜，可以平衡返今晚嘅肉食配搭。我哋仲叫咗手工啤 Cereusly 同Fruit Punch，朋友就鍾意手工啤多啲，有濃郁嘅麥味，好易入口。而我就鍾意fruit punch 嘅甜味啦～今晚好豐富呀，食飽之後仲可以係附近嘅海濱散下步先返屋企～