半島酒店大堂茶座

营业中

休息中

疫情下没有晚市的堂食, 但又想有一个悠闲宁静既时刻, 同时可以 hea 一下既地方, 我首选都系半岛酒店既大堂茶座, 每一次来到都感觉非常舒适, 虽然大堂既环境可以讲系十年如一日,  就系因为咁先会更有亲切感. 可能因为疫情关系, 又或者时间尚早,  下午 2:40 左右来到, 第一次唔需要等位就可以入坐, 选下午茶 set 就一定的, 只系要拣饮 D 咩, 当天比较冻, 所以就拣左蜜桃鸟龙姜茶, 姜味和蜜桃味配搭适中, 至于下午茶 set, 其实每次既食物都差不多, 不过唔知系唔系天气既关系, 三文鱼卷既面包有少少硬同腥, 其他既都不过不失, 反而最喜欢顶层既朱古力甜品, 一边听住悠扬既音乐, 慢慢品尝呢个下午茶, 咁就可以坐系度过左成两个钟, 再加上半岛一向既优良服务, 所以间中都一定会来消磨一下时间, 好好令自己放松 !