香港地 (已結業)

今日放假，同朋友去左凌霄阁行下，行到有啲攰同肚饿，就到呢间香港地食野。可能我地成4点几先食，所以冇咩人。本来谂住去呢啲旅游景点既餐厅都会系又贵又唔好食，睇睇个餐牌，当然比平时食会贵啲，但其实食物既价钱同味道都可以接受。就好似呢个鱼蛋鱼片头河，46蚊，啲鱼蛋又几弹牙㖞，河粉偏林，但汤底几香。另外有个咖喱鸡饭配印度薄饼，啲咖哩超多！有四旧大既鸡脾肉，两旧豆卜同两三旧薯仔，74蚊，我又觉得ok wor!同埋个咖喱系好好食，我地最后系一滴不漏咁食哂！后尾唔够食，叫多左个西多士，38蚊，普通质素啦。我地觉得话哂系旅游区，呢间餐厅都算系咁啦，大家如果唔系想海景捞饭，纯粹想食饱个肚既话，呢间都系一个好选择！