Monster Sushi (已結業)

接近情人节同过年就同老婆两人浪漫一下去食日本野(个阵七点几，个待应话食个半钟)，又听讲呢间系吴彦祖有份开，谂住都OK 啦。点知点左一轮寿司试试，都叫做可以啦！到点热食：软壳蟹手卷，串烧等等 ... 微暖既，心谂串烧都微暖，好多人送唔切咩？再看看周围，六七成人；平时会更多人吧？点解会咁？再点多一个热食试下(炸薯饼)，都系一样 - 征暖！算啦年三十晚费事投诉，结账走人，叫左一次，等左五分钟无人比单，再叫，等左两分几，比现金，应找番三十几蚊，等左七分钟，好火，见到经理谂住问下咩事，点解咁耐，个经理见到我面色都知咩事，即刻Walk talkie问下，十秒内覆我：黎紧！见到有人攞住一堆单行过黎，但跟住返转头，心谂又咩事？再迟分几钟就过黎比番找赎，一张单都要搞成十几二十分，我个刻真系好火下。个待应话比张赠券比我这下次当一百蚊使！我话：唔使啦，应该唔会有下次再黎，多谢你招呼。