我的意大利廚房 (已結業)

情人节梗系要食好少少啦！揾到呢间好评高既意大利餐厅，6:30已经到餐厅比原定早了一个钟，所以都未见满座，餐厅有2层，环境宁静，光线较得好好！楼梯间旁都放有小蜡烛同玫瑰花花瓣，布置确实好浪漫！当日只有情人节套餐，餐前酒比红酒同白酒较有酒味。前菜个多士够脆。汤就得半碗！巴马火腿味道不错，唔太咸，算大块！主菜只有2款，牛柳同比目鱼，牛柳都符合要求熟既程度，不过冻的比目鱼比较好味！甜品真系好甜，无咩朱古力味黑松露咖啡非常香期间侍应送左1支玫瑰花🌹Fine dining 来讲侍应服务质素认真麻麻，落单求其，无问清楚牛柳几多成熟要求，上餐时候整泻枱面芝士粉，当睇唔到走左去，sorry都无句，张枱布置得几靓都被佢破坏晒😔汤同头盘都未食完，就上埋个主菜，完全无留意食客进度，重点系张枱又细，根本放唔落，侍应净系企系度望住张枱！我地要求迟少少上，个侍应先黑晒面拎走d主菜☹️，好似赶人走咁，如果赶头赶命食，我就会去快餐店啦！