M1 Bar & Restaurant (已結業)

难得早收工，约左同事去Happy Hour，见M1 Bar & Restaurant 环境几摩登同舒服就试下。叫左香蒜辣椒榄油煎虎虾做小食，薄到有如纸一样既香蒜炸到脆卜卜，经过榄油煎过既虾，吸左榄油同香蒜既香，辣椒仔既辣，虾又大只，虾肉又爽同弹牙。我自己将虾肉连同蒜片放系法包上面一齐食，香脆法包吸左榄油更加香，有如小汉堡。吹完水见肚饿，索性食埋晚餐。西班牙黑毛猪比萨，浓郁芝士味扑鼻而来，新鲜火箭菜平衡左肥腻既感觉，黑毛猪果然正，肉富有弹性，而且好香又唔太咸，做到外脆内松又唔滞。最后个美国安格斯牛肉芝士汉堡配薯条，牛肉大到有如牛扒，而且肉汁多到一路食一路滴，好juicy，值得一赞系个包，用左日本竹炭，相对比较松化，加上烘到少少脆，系外脆内软，承接晒牛肉滴出来啲汁，唔会浪费。间餐厅仲好贴体，食物慢慢送上来，方便大家吹水。