影片
以上资料只供参考，请与餐厅确认详情
食家推介
相关文章
之前行过已经想食㗎啦，所以今次一于捉番男朋友过嚟一齐试由于我地7点到就去到，时间尙早，所以人唔多不过愈坐愈多人，如果想倾计谈心嘅，不妨早啲过去！食物种类都算多，有Burger、Pasta、Pizza，仲有扒据，真系花多眼乱！哈哈不过由于我地食完下午茶先嚟，所以今次都系以小食为主呢款系香煎鹅肝多士配无花果酱$148。鹅肝食落外脆内软滑，一啖入口，油分慢慢渗出嚟，配埋多士同无花果一齐食，感觉清新得嚟亦无咁腻，唔错之后呢款系香煎北海道带子鲜果藜麦沙律$158。潮流兴食超级食物，估唔到酒吧都追上潮流，整咗个藜麦沙律带子烧得好靓，火喉啱啱好，外层脆脆地咁，唔错之于藜麦沙律口感比较湿润，入面仲食到啲青苹果，成个菜都好健康，啱女仔食最后再一人一杯Margarita $78，一路食一路饮，再一路吹水正！如果日日都可以咁就好啦！
继续阅读
由于想同朋友慢慢倾计，所以今次㨂咗间酒吧食饭，贪佢坐几耐都得嘛环境唔错，由于时间尚早，人比较少，所以我可以同朋友静静地倾计，唔错先叫咗个墨西哥芝士焗粟米片$108，焗得好香脆！另外佢仲有3款酱比你沾：酸忌廉、牛油梨酱同蕃茄莎莎，我最钟意酸忌廉食落好开胃，送酒一流另外仲叫咗只烧德国咸猪手$208！大大只，皮脆肉嫩！又系送酒必备如果自己唔识切，侍应仲可以帮你切，好细心！加分同埋佢啲薯条系我最爱嘅粗薯，特别有口感！赞呢啲酒吧当然唔少得叫饮品，我呢杯margarita 冲得几好，酒味唔算太浓，易入口，适合女仔！有时几个朋友坐低倾吓计、食吓嘢、饮番两杯咁，就系我最大娱乐
继续阅读
难得早收工，约左同事去Happy Hour，见M1 Bar & Restaurant 环境几摩登同舒服就试下。叫左香蒜辣椒榄油煎虎虾做小食，薄到有如纸一样既香蒜炸到脆卜卜，经过榄油煎过既虾，吸左榄油同香蒜既香，辣椒仔既辣，虾又大只，虾肉又爽同弹牙。我自己将虾肉连同蒜片放系法包上面一齐食，香脆法包吸左榄油更加香，有如小汉堡。吹完水见肚饿，索性食埋晚餐。西班牙黑毛猪比萨，浓郁芝士味扑鼻而来，新鲜火箭菜平衡左肥腻既感觉，黑毛猪果然正，肉富有弹性，而且好香又唔太咸，做到外脆内松又唔滞。最后个美国安格斯牛肉芝士汉堡配薯条，牛肉大到有如牛扒，而且肉汁多到一路食一路滴，好juicy，值得一赞系个包，用左日本竹炭，相对比较松化，加上烘到少少脆，系外脆内软，承接晒牛肉滴出来啲汁，唔会浪费。间餐厅仲好贴体，食物慢慢送上来，方便大家吹水。
继续阅读
M1酒吧是在行头间颇有名气的酒吧，过往只有小量小食与各式各样的酒精饮料供应，但在铜锣湾的M1却以酒吧餐厅为主题。店内楼底很高，感觉很舒适，餐厅内有块黑板写上每天所供应的生蚝和特色菜式。我们先点了4只生蚝加两款cocktail。用叉戟生蚝的裙边可得知不算太新鲜，而cocktail上的菠萝味道也怪怪的。后来点了道香煎鹅肝配无花果酱，香脆的风干火腿片笔直地竖立在鹅肝上。多数餐厅都会以红莓酱之类比较酸的汁酱平衡油腻的鹅肝，但M1就用了味道较淡的无花果衬托，不会抢过鹅肝的香味，再加上风干火腿片大大提升整体味道后劲。主菜则点了双层墨汁墨鱼饼烤菠萝汉堡。厚切薯条十分香脆，但汉堡的包除了墨黑色之外也没甚么特别，中间的扒也略微过干，可能包被叠太高，每口都漏掉了馅料，未能享受整个汉堡的味道。其实餐厅定位是比较高级的路线，需要在食物菜式上再下苦功，个人比较推介香煎鹅肝，而其他并未能显出其独特性，希望日后能有所进步。
继续阅读
放工最岩chill一chill 铜锣湾呢间bar & restaurant水准唔错 两丁友饮杯野吹下水好relax 其中墨鱼饼汉堡好好食 仲好食过burger专门店！#双层墨汁墨鱼饼烤菠萝汉堡 $108 用竹炭包做汉堡卖相好型 仲好有内涵 有两块墨鱼饼 黑白各一块 配上泰式辣酱 酸酸甜甜呢个组合已经冇得输 块菠萝系新鲜菠萝 唔系罐头货 厚切爆汁 成个burger好好食 质素好高😍#烟三文鱼pizza $128 12寸既大pizza 但批底烘到脆卜卜 好似食饼咁 唔会好滞 烟三文鱼份量大方 唔太咸 好食 dor食左大半个😋#56度低温慢煮烤香橙黑醋西班牙黑毛猪肋骨 $98 个名好似好巴闭咁 不过烧得太干 麻麻地 *****************************M1 Bar & Restaurant地址：铜锣湾告士打道229-230号宇宙商业大厦地舖
继续阅读