影片
更多
2022-09-27
866 浏览
月亮主题🌃肥美饱满仙凤趾蚝🦪极鲜赤醋寿司杯！-小店位置旺中带静，楼高两层，上层系月亮下坐榻榻米，打卡一流，下层就坐系师傅面前。交谈中得知，师傅做日本菜三十几年，以前跟正宗日本人师傅，难怪烧、煮、渍、天妇罗、寿司水准都咁高，网上又甚少宣传介绍，真系低调实力派。如果大家睇到后边嘅相，发现影得斜斜地，请唔好见怪，因为呢到真系太多靓清酒，田中都饮到醉醺醺。-🍱雪 (套餐 $388)前菜、海鲜茶碗蒸、仙凤趾生蚝、烧物、天妇罗、寿司杯(6件)、吸物、雪糕、清酒(90ml)，真系抵食得夸张，另外亦有唔同价钱嘅套餐。🍲海鲜茶碗蒸 (日本带子、海虾、鲜冬菇)🐚前菜 - 日式煮花螺店内推荐之一，经过酱油汁煮，花螺鲜味非常浓郁，肉质爽滑，又干净唔腥，前菜黎讲绝对唔马虎。🦪北海道仙凤趾生蚝🍢汁煮鲍鱼配鲍肝酱 (+$50)从用料可见，肥美饱满嘅仙凤趾蚝，浓鲜软嫩嘅矶煮鲍鱼，都系多数Omakase先出现，呢个价钱真系非常抵食。🍣时令寿司杯 (6件)1️⃣鱼料有海胆、带子、拖罗、赤虾，用精致玻璃杯上，其实类似鱼生饭，部份鱼料切粒，配上香醇嘅赤醋饭，啖啖满足。2️⃣而鱼料款式方面，唔同套餐会有唔同款式，而时令鱼料亦未必一样，
-
小店位置旺中带静，楼高两层，上层系月亮下坐榻榻米，打卡一流，下层就坐系师傅面前。
交谈中得知，师傅做日本菜三十几年，以前跟正宗日本人师傅，难怪烧、煮、渍、天妇罗、寿司水准都咁高，网上又甚少宣传介绍，真系低调实力派。
如果大家睇到后边嘅相，发现影得斜斜地，请唔好见怪，因为呢到真系太多靓清酒，田中都饮到醉醺醺。
-
🍱雪 (套餐 $388)
前菜、海鲜茶碗蒸、仙凤趾生蚝、烧物、天妇罗、寿司杯(6件)、吸物、雪糕、清酒(90ml)，真系抵食得夸张，另外亦有唔同价钱嘅套餐。
🍲海鲜茶碗蒸 (日本带子、海虾、鲜冬菇)
🐚前菜 - 日式煮花螺
店内推荐之一，经过酱油汁煮，花螺鲜味非常浓郁，肉质爽滑，又干净唔腥，前菜黎讲绝对唔马虎。
🦪北海道仙凤趾生蚝
🍢汁煮鲍鱼配鲍肝酱 (+$50)
从用料可见，肥美饱满嘅仙凤趾蚝，浓鲜软嫩嘅矶煮鲍鱼，都系多数Omakase先出现，呢个价钱真系非常抵食。
🍣时令寿司杯 (6件)
1️⃣鱼料有海胆、带子、拖罗、赤虾，用精致玻璃杯上，其实类似鱼生饭，部份鱼料切粒，配上香醇嘅赤醋饭，啖啖满足。
2️⃣而鱼料款式方面，唔同套餐会有唔同款式，而时令鱼料亦未必一样，记得留意一下。
🍗烧物 - 紫苏鸡卷、牛舌心
🍤天妇罗 - 日本海虾、鲜冬菇、紫苏叶
天妇罗走传统路线，虽然炸浆厚身，但入口酥脆得惊喜，肉嫩而Juicy，从天妇罗都见到师傅功架十足。
🍵赤面豉汤
🍨日本北海道雪糕
🍶清酒 (90ml)
选择非常多，由果香到超辛口，店员都有仔细介绍唔同配搭。而酒具真系惊人地多又精致，鸟鸣、樱花、富士山都有，打卡一流。
-
🥘柚子酢煮白身鱼 ($168)
店内亦有唔少当日时令/特别推介，而呢款师傅拿手菜，当日用上厚切金目鲷，浓厚柚子香又甘甜，外层似炸豆腐，内里肉质鲜甜，层次极丰富，必食。
🧆池鱼南蛮渍($88)
外边少见嘅池鱼南蛮渍， 用上处理工序繁多嘅小池鱼，炸过再做南蛮渍，酸又微辣开胃。
张贴
