麻辣串串香 (已結業)

端午节前夕当然要约朋友去食野啦，联和墟不嬲都多野食，今次就决定食串烧饮啤酒，麻甩下呢间系食麻辣串烧，不过其实都有得拣唔辣，另外仲有酸辣粉、麻辣烫食，真心推荐，我觉得好好味蒜香焗沙白-每只都胀卜卜，个底铺满粉丝，粉丝索晒啲汁好正；烧茄子 -食串烧必点，葱蒜铺满面好惹味；烧羊架 -师傅烧得啱啱好，好juicy肉好嫩；烧大扇贝-够大只，好鲜味多汁；烧秋葵-第一次咁样食秋葵，烧过既秋葵好香，面头洒左啲辣粉，好惹味，原来用烧既都几好食；秋刀芦笋卷-呢个必点，极力推荐，秋刀鱼好嫩滑juicy，芦笋中和左啲鱼油，唔油腻好好味；通菜-呢个又系必点，好惹味，菜叶索晒啲汁，好好味，有惊喜；牛肋骨串-肉质好嫩，唔会死实实；芝士蘑菇串-一串三粒，每粒都有芝士铺面，食落口仲系好juicy，唔会烧到干晒；烧鸡全翼-烧得好靓，外皮烧到金黄色，好香口；日本一口蕃薯-一串三粒，食落口质地好creamy，做甜品一流！本身都想食酸辣粉，不过净食串烧同饮啤酒都已经饱左，唯有下次先再食啦！总括黎讲，食物质素真系唔错，店舖职员亦友善同有礼貌，另外值得一赞既系，啲啤酒杯系放喺雪柜度雪住，所以啤酒系keep住冻，呢点真系好细心！