影片
更多
2013-04-13
48 浏览
话说PIZZA HUT之前出个个芝士七重奏，虽然好想好想试，奈何冇人陪，话怕漏㖞...就咁拖下拖下，拖到而家冇埋添紧接而黎既就系"虾哈芝心批"。呢个出左冇耐，就俾人拉左去尝新。咁岩个日想食PIZZA，就跟左佢地去(但系你地几时先肯陪我去食芝士七重奏呢...？)我地个日个个系2人套餐黎既，入面包左两杯野饮、两个餐汤、一个粉/饭/沙律、一个大虾哈芝心批，加埋好似$2XX。个餐入面D野饮同汤都冇咩特别，都系大路野。只要佢应冻则冻，应热则热，都唔会有大问题既。粉个到我地叫左个肉酱意粉，又系大路野。个酱酸酸甜甜咁，都几开胃。酱汁都多，不过肉就唔系好觉。(都好，少肉健康D嘛)而且我觉得个意粉煮得偏软腍了，缺少左D咬口。如果佢个意粉烚少几分钟可能会好DD。(我是喜欢有咬劲的东西。终于黎到今日个主角：虾哈芝心批，我地叫左带子香草大虾个款。先讲薄饼中间上既馅料，带子只系急冻既细细粒带子，虾应该都系急冻个D，亦唔见得有几大只，已经预左呢两样野系会冇咩味。香草好似就只系向个薄饼焗完之后系咁二放几条上面，唔特登揾黎系系唔觉有香草味既。(或者佢本身放左D系薄饼底，但我食唔出啦)所以个薄饼系靠其他馅同铺面既芝士一
紧接而黎既就系"虾哈芝心批"。呢个出左冇耐，就俾人拉左去尝新。咁岩个日想食PIZZA，就跟左佢地去(但系你地几时先肯陪我去食芝士七重奏呢...？)
我地个日个个系2人套餐黎既，入面包左两杯野饮、两个餐汤、一个粉/饭/沙律、一个大虾哈芝心批，加埋好似$2XX。
个餐入面D野饮同汤都冇咩特别，都系大路野。只要佢应冻则冻，应热则热，都唔会有大问题既。
粉个到我地叫左个肉酱意粉，又系大路野。个酱酸酸甜甜咁，都几开胃。酱汁都多，不过肉就唔系好觉。(都好，少肉健康D嘛)而且我觉得个意粉煮得偏软腍了，缺少左D咬口。如果佢个意粉烚少几分钟可能会好DD。(我是喜欢有咬劲的东西。
终于黎到今日个主角：虾哈芝心批，我地叫左带子香草大虾个款。
先讲薄饼中间上既馅料，带子只系急冻既细细粒带子，虾应该都系急冻个D，亦唔见得有几大只，已经预左呢两样野系会冇咩味。香草好似就只系向个薄饼焗完之后系咁二放几条上面，唔特登揾黎系系唔觉有香草味既。(或者佢本身放左D系薄饼底，但我食唔出啦)所以个薄饼系靠其他馅同铺面既芝士一齐食先带出味既。所谓既其他馅就包括火腿丝、车厘茄、菠萝、青椒同瑞士葱。
火腿丝落得多，但系都系平价野，咸咸地，冇特别。
车厘茄够新鲜同甜。菠萝应该都系平时食既罐头菠萝，甜味居多。
青椒同瑞士葱其实就唔系好觉，所以冇意见。
铺面芝士就一贯既微咸，OK！
如果一啖入面包晒咁多馅既话，就会食到酸酸地、甜甜地，又咸咸地咁，都OK既。但系就真系唔好对个带子同大虾有期望。
睇广告话，佢呢个新批既卖点系批边酿入龙虾汁虾丸同双色芝士。
我觉得...个龙虾汁虾丸只系平时食开既龙虾丸，仲要系平价个D，一D都唔特别。最特别既就系佢粒龙虾太上面放左旧芝士粒，咸咸地，反而仲好食过本身粒虾丸。
而个双色芝士呢...我唔知系咪两种唔同既车打芝士？(虽然我钟意食芝士，但对芝士冇咩研究)我觉得橙色个只芝士太咸了，咸出我可以接受既程度就算连埋个薄饼底一齐食都顶唔顺如果呢个芝士边冇咁咸就好了。
仲有，我觉得呢个薄饼既底唔好食
平时食PIZZA HUT既薄饼纵然系厚批，都会有少少脆口，批边脆脆地，几好食。
但呢个呢...我觉得就好似平时食开既面包咁，偏软身既。所以如果净系食双色芝士个批边既话，就好似平时系山崎买既细细个芝士包咁，仲要系偏咸既
(我唔知正宗既薄饼底应该系点，只系觉得如果有得拣既话，我宁愿要返平时食开既厚批薄饼，再加芝心批边好似仲好食)
值得一提既系，依家叫餐有半价升级优惠，有D食物可以半价享用。见今餐冇咩菜落肚，就加多个烤鸡田园沙律。($28，原价$56)
一上到黎，哗，原来都几大碟㖞。除左面可见既各种生菜、车厘茄、青瓜、黑橄榄同甜黄椒粒外，个底仲有为数不少既椰菜丝。
佢D菜都算新鲜既，冇话变黄变苦既情况出现，沾D一齐上既黑醋汁酸酸地咁又几开胃。
反而放面既鸡就...不提也罢。
而个两块包...每人食左一啖就放低左，之后冇人再掂过...
如果就咁将呢个沙律当系一个田园沙律黎睇既话系OK既！(系忽视个D鸡同个两片面包既情况下...)不过如果要原价既话我就唔会再叫啦
题外话/补充资料：
1. 个薄饼唔知系咪即叫即焗呢...佢上枱既时候系暖咋...所以扯唔到丝...失望=口=
2. 虽则叫做二人餐，但我地三个人加多个沙律都系食唔晒既，仲有两块薄饼剩。除左因为个薄饼系大批之外，味道一般都系一个主要因素...(除返开一人大约一百到...我都唔知算唔算抵食=口=)
(以上食记乃用户个人意见 , 并不代表OpenRice之观点。)
张贴
