利寶閣 (已結業)

难得公司今日放早，就同爹哋妈咪出街食晚饭，佢哋唔想去太嘈既地方，而且唔想坐到咁迫，所以我就拣咗呢到，贪佢有海景，地方又阔落，而且服务比一般酒楼好！都见到海报介绍谷饲猪叉烧加佛跳墙套餐，觉得几特别就叫嚟试吓，嚟到见到旧叉烧好大嚿，仲以为老人家唔够牙力会食唔到，点知一咬落去松软嫩滑得过分！！咁大旧咬落去超满足，而且烧到外皮岩岩好，配有猪油同甜豉油，任君选择，而只蛋就煎到脆卜卜，仲系流心嫁！而佛跳墙真系非常足料啦，有鲍鱼，螺头，海参，鸡丝翅，鸡髀，鸡脚，淡汤香到不得了！够哂补！叫咗个乳猪拼盘，烧得啱啱好，又唔会太咸，只鸡好滑，卤得好入味！长老都大赞！腿茸奶油津白，睇落平平无奇，但个汁真心好食，有金华火腿既咸香，又有浓浓既奶油，系我杯茶！炒蟹肉又系足料之作！最后仲送咗绿豆沙糖水，服务员态度都好好，碗碟都换得好快，又会过嚟帮手斟茶，一定会再嚟