Mr.O

营业中

休息中

最近喺长沙湾广场发现咗一间西餐厅，真系好惊喜，本身谂住喺长沙湾广场入边应该都冇乜好嘢食，但呢间餐厅啲嘢食几好食，仲有靓相打卡嘅位。首先，我想讲下呢间餐厅嘅食物。佢哋嘅菜单好丰富，有好多唔同嘅野食可以拣，最惊喜系佢哋竟然有新鲜生蚝！我同朋友就试咗佢哋嘅香辣茄汁牛脷意粉，我哋犹豫咗一阵要唔要，因为朋友唔食辣，不过佢哋侍应主动话可以帮我哋走辣，贴心👍。牛脷份量好足，睇图可以见到，件件都好厚身，肉汁十足。另外，佢哋嘅野菌意大利饭都好好食，意大利米真系有咬口，唔系出边熟到淋晒𠮶啲，配上浓郁嘅野菌酱汁，食完都好似唔够喉想再食😆。生蚝🦪好大只，够新鲜，又够Creamy ！可惜一上枱已经俾人食晒😂😂相都冇影到。呢间餐厅嘅价格亦都好实惠。佢哋嘅价钱相对于份量嚟讲真系好实在，套餐配埋汤同埋饮品，令人食得开心又唔洗担心大出血。最后，讲下呢间餐厅嘅环境。佢哋嘅装修好精美，仲有好多靓靓嘅打卡鸟笼，仲有一个葡萄园嘅餐厅区，好似置身左外国咁样，今次我哋冇坐到喺葡萄园，下次可以试吓坐𠮶度打卡，扮吓喺外国😂。唯一麻麻哋就系侍应嘅影相技巧要提升下啦😂，请佢帮我哋影鸟笼相，影唔到我哋想要嘅效果，不过唔紧要，我哋同行有影相达