影片
更多
2011-06-24
27 浏览
IP Café一向好评如潮, 以大新visa card签账仲有85折优惠(原价$328∕位), 特慕名前来一试。 港岛太平洋酒店位处偏僻, 交通极为不便, 不过佢地既优点在于泊车免费, 晚上十点后才会收取费用。由于酒店采「先到先得」制泊车, 我地怕无车位既情况下早到左, 泊到车位却要等候入场, 等候期间又无位坐, 感觉酒店系呢方面实在serve得唔够体贴啰=.=〔因为好多酒店系buffet未开始前,都会先让人入座等候的〕餐厅既环境确实唔错, 柔和既灯光下更显优雅, 唯一缺点系地方太细喇, 一眼睇哂有几多座位, 心里已盘算紧: 「唔慌多嘢食」, 果然不出所料, 不论冷、热盘定系甜品, 通通好少款式, 十只手指数得哂有余L 不过酒店好识将功补过, 惊喜浪接浪…海鲜: 首先为每位客人赠送半只芝士焗龙虾, 虽然无咩肉食, 但个卖相十分讨好, 馅料丰富再配上香滑既芝士忌廉汁好正。 长脚蟹既上半截肉身过咸但肉质新鲜, 蟹箝部位啖啖肉, 食过番寻味。 翡翠螺几脆口, 串烧虾无特色。 椒盬濑尿虾虽然细细只但惹味非常, 烹调得恰到好处, 个壳亦唔会咸到盖左濑尿虾本身既鲜味。 清蒸鱼又老又鞋, 难食兼有泥
餐厅既环境确实唔错, 柔和既灯光下更显优雅, 唯一缺点系地方太细喇, 一眼睇哂有几多座位, 心里已盘算紧: 「唔慌多嘢食」, 果然不出所料, 不论冷、热盘定系甜品, 通通好少款式, 十只手指数得哂有余L 不过酒店好识将功补过, 惊喜浪接浪…
海鲜: 首先为每位客人赠送半只芝士焗龙虾, 虽然无咩肉食, 但个卖相十分讨好, 馅料丰富再配上香滑既芝士忌廉汁好正。 长脚蟹既上半截肉身过咸但肉质新鲜, 蟹箝部位啖啖肉, 食过番寻味。 翡翠螺几脆口, 串烧虾无特色。 椒盬濑尿虾虽然细细只但惹味非常, 烹调得恰到好处, 个壳亦唔会咸到盖左濑尿虾本身既鲜味。 清蒸鱼又老又鞋, 难食兼有泥味。
刺身限量供应, 生文鱼只属普通货仔。 甜虾要自己剥壳, 略带黏黏口感, 滑溜鲜甜。 寿司就有好几款eg: 生文鱼、熟虾、甜蛋、腐皮、太卷等等, 食落口感麻麻。
熟食: 羊朳膻味太浓, 未必人人喜欢, 嗜食羊肉如我就不敢再恭维。炆元蹄炆得软腍适中。 炆鸡颇嫩滑。豉椒炒蚬炒得唔够入味。 豉汁蒸白鳝够爽口弹牙。 荷叶饭唔够靓仔味道又差。 冬瓜盅清甜消暑, 连BB都饮到笑笑口。鸡蓉粥比较淡味。Pizza倒算香口不错。
甜品: 士多啤梨慕丝蛋糕d慕丝好酸, BB食左一小口已经乸埋块脸。芝士蛋糕香浓软滑, 令人回味。朱古力蛋糕入口香浓, 味道甜而不腻, 一口接一口, 难以抗拒既诱惑。粟子蛋糕好松软, 令人吃得好满足。酥皮拿破仑蛋糕细细件松脆可口, 好有吸引力。黑糯米入口烟韧而不黏牙。炎炎夏日, 正好食番碗西瓜杂果盅, 直头透心凉! 生果有好几款: 切片西瓜、哈蜜瓜、菠萝丶橙及切粒火龙果各属一般。 红柚则太酸。任饮红、白酒、啤酒、汽水、橙汁、茶、柠、啡而待应们会不停为你服务如收碟添饮料。
喜出望外既有云呢嗱及士多啤梨味既Hazen Daz雪糕, 可惜雪得太耐, 味蕾感官上已无法分辨出其幼滑度。 另有雀巢朱古力棒。
最大惊喜系每台均奉送蛋糕一个, 还精釆地附上少量生果, 图案形朱古力片及甜忌廉唧花袋等装饰材料俾大家来个DIY, 仲奉上盒子方便带回家分享。 美中不足既系甜忌廉太浅色, 写唔出心意, 相信若换上朱古力∕红莓酱会比较出色。 眼见场内众子女都忙于创作及合照, 一时之间好warming, 又点舍得唔俾个笑脸你呢?!
张贴
