影片
更多
2023-10-07
52 浏览
一路都听人讲割烹系好正，亦都对师傅嘅水准要求好高，今次有识食朋友带路，就嚟试试系the one 嘅呢间餐厅。门面带住神秘嘅感觉。入到去里面别有洞天，分别有室内bar 枱位同户外空间，我地拣左室内，因为可以睇住师傅煮野食。上菜前餐厅推介左呢款米酒，入口偏清甜，好顺滑容易入口。前菜由3款菜式组成，卖相非常之吸睛。左上嘅系用Parma ham 高汤煮成嘅啫喱，配埋甜瓜好开胃。右上嘅系帆立贝青瓜冻汤，味道好fresh好清新，帆立贝好新鲜爽口。中间嘅系赤虾水牛芝士，赤虾香甜软濡，配埋芝士同脆片一啖摆入口，口感好丰富。明太子酿意大利黄瓜花天妇罗师傅现场即炸嘅天妇罗，外层好香脆而且带有淡淡嘅青瓜味，上面铺左现刨嘅木鱼花。内层填满左明太子，非常正。和牛舌酢渍姬菇牛舌外皮轻轻带焦脆，内里嫩滑入口即溶，调味恰道好处，大推。鲜鲍鱼浅蜊富山米意大利饭鲍鱼预先腌制过再拎去烤，好惹味。意大饭用左富山米去整，粒粒米都好饱满，亦都唔会过熟，啱啱好内层仲有粒心。on side 有鲍鱼肝酱，平时出街食都好少会食得到。利沃内塞式烤穴子穴子烤制左一段时间，外层好crisp，但鱼肉仍然好juicy 多汁。底层用左辣肉酱，面层落
门面带住神秘嘅感觉。
入到去里面别有洞天，分别有室内bar 枱位同户外空间，我地拣左室内，因为可以睇住师傅煮野食。
上菜前餐厅推介左呢款米酒，入口偏清甜，好顺滑容易入口。
前菜由3款菜式组成，卖相非常之吸睛。
左上嘅系用Parma ham 高汤煮成嘅啫喱，配埋甜瓜好开胃。右上嘅系帆立贝青瓜冻汤，味道好fresh好清新，帆立贝好新鲜爽口。中间嘅系赤虾水牛芝士，赤虾香甜软濡，配埋芝士同脆片一啖摆入口，口感好丰富。
明太子酿意大利黄瓜花天妇罗
师傅现场即炸嘅天妇罗，外层好香脆而且带有淡淡嘅青瓜味，上面铺左现刨嘅木鱼花。
内层填满左明太子，非常正。
和牛舌酢渍姬菇
牛舌外皮轻轻带焦脆，内里嫩滑入口即溶，调味恰道好处，大推。
鲜鲍鱼浅蜊富山米意大利饭
鲍鱼预先腌制过再拎去烤，好惹味。意大饭用左富山米去整，粒粒米都好饱满，亦都唔会过熟，啱啱好内层仲有粒心。on side 有鲍鱼肝酱，平时出街食都好少会食得到。
利沃内塞式烤穴子
穴子烤制左一段时间，外层好crisp，但鱼肉仍然好juicy 多汁。底层用左辣肉酱，面层落左麻椒，味道香麻得嚟好过瘾。
日本A5和牛配味噌大根
和牛嘅味道同日本食到嘅一样，油脂香滑丰盈，而且份量唔少，食得好开心。而大根有味噌同火炙烤过，味噌食得出有蟹酱味道。
里科塔奶酪小仓红豆
塔入面有不同嘅红豆夹心，最钟意系佢红豆夹层连埋薄荷叶一齐食，味道好夹。
四小味甜品
粟子可丽露整得唔错，系香港难得有嘅水准。布朗尼连同食用花一齐食香甜得嚟唔会腻。草莓挞成个摆入口，系口腔爆开嘅口感好正。最后泡芙真系好好食，口感外脆内软，处理得好好。
总结：
每一道菜都好有惊喜同质素，每食完一道菜都会期待下一款菜式，系令人想会细心去品尝嘅食物。绝对推荐庆祝/纪念日去食。
张贴
