Chatterbox Café (AIRSIDE)

营业中

休息中

去咗Airside行下同睇戏，夜晚就拣咗呢间星加坡过江龙食饭，我哋食咗肉骨茶面线同埋招牌嘅海南鸡饭，估唔到肉骨茶竟然仲有惊喜。文华海南鸡饭 $138同一般海南鸡饭一样都跟咗个汤、油饭，配上3款酱汁。海南鸡卖相靓仔，皮色水够黄，鸡肉已经去骨。我觉得鸡肉正式发挥，都尚算皮爽肉嫩。我哋份鸡应该有一半髀位，一半胸位，髀肉系嫩啲，胸位都唔会话嚡。油饭够香够味，我净食饭都觉得可以食一碗。白胡椒肉骨茶面线 $132呢个肉骨茶一上枱虽然香气扑鼻，但系睇啲肉个样平平无奇，本来我对肉骨茶冇乜特别期望，觉得啲肉好似煲过汤咁样🙈但系一饮个汤超香，一食嚿肉觉得好好味，肉好入味而且细嫩，沾上浓稠嘅酱油，鲜味仲即时提升。用脆口嘅油炸鬼浸汤好好食，索左少少汤又保持微脆。配料嘅面线、金菇、豆卜甚至蒜头都超级索汤入味，好正。