真秘鍋 (已結業)

天气一冻就好想打边炉，于是朋友带左我去呢间新开嘅火锅店，地点系旺角，都好方便。呢度d汤底选择有好多，而且全部都好吸引，挣扎左好耐之后我地拣左龙虾汤底，侍应拎过嚟嘅时候我吓左一跳，个汤入面竟然有原只大龙虾，足料程度满分！！！打边炉当然唔少得肥牛啦，餐厅经理推介左两款俾我地，分别系牛小排同手切牛。牛小排个碟好靓，肉质比较软滑，手切牛肉质就比较实而且肉味比较重。另外仲叫左几只鲍鱼同蔬菜篮，鲍鱼够新鲜，蔬菜篮都整得好有heart，个篮入面青菜都五六款，仲有几款菇同车厘茄。呢餐火锅真系好满足，汤底好浓好好饮，其他食物都高质，钟意打边炉嘅朋友一定要试下