飯意主題餐廳 (已結業)

我知衰，平野唔好咁大要求。同埋我应该叫错菜色先沦落到呢个地步。但我叫个个烟三文鱼蚬肉香草酱意大利份真系好伏。先讲蚬肉，真系多沙过浅水湾，同埋唔新鲜，不过五十蚊货仔唔无得要求咁多喇。面，其实主要系慕佢手打意粉嘅名而来，加三蚊转，但..... 其实就系差唔多吉野家乌东咁。我系好钟意食乌东，但当意粉煮就真系唔同讲法。仲要加埋佢pet香草酱，佢嘅香草酱实在系推动我写呢篇食评嘅最大原动力，「结」到好似幼稚园用嘅浆糊咁！味道偏向—无味。你想像一下，系浆糊捞乌东！点食呀大佬！另外仲叫左客香草鸡翼，十七蚊四只，又焗得几好食播！令我觉得我系点错野。服务方面—就无架喇！个姐姐秒速收野赶人啰，多人排嘛！但我地一行三个人，佢安排左一张二人枱比我地。张枱真心两人都嫌细，仲要三条友。。。搞到个个都黑晒面。我都系认命食大家x肉酱意粉算啦。仲要排成半个钟😹😹😹😹😹😹😹😹😹，无下次喇。