飯意主題餐廳 (已結業)

同朋友黎下午茶，平時諗唔到食乜就會幫襯呢度，貪個餐牌花式夠多，賣相好睇。可惜今次黎到賣相依然優秀，就咁睇相真係估唔到食落口會有驚無喜。食物質素已經差左唔少：蒜蓉包唔脆、雞扒太乾、庵列嘅蛋有類似臘味嘅怪味……紀子茶都算正常。坐左一陣，發現明明係下午茶時間，但人流都比較少......會唔會係大家都發現左同一個問題。如果係第一次食，真係會比喊，但希望質素會提升返啦，都食左好耐，價錢相宜食物款式多，真心想佢越做越好，抗衡返同區果D咩咩呃錢連鎖冰室。比住OK先。

🔎飯意主題餐廳 #食在深水埗📍深水埗元州街146號華興大樓地舖-午市套餐🔹照燒肥牛蛋包飯 （照燒汁） $41 凍飲＋$2勝在價錢夠平 好多學生幫襯蛋包飯其實只係滑蛋放係飯面肥牛都幾多 燒汁唔會好甜 味道都中規中矩仲有配埋d沙律 呢個價錢黎講真係相對抵食如果係附近返工黎呢到食lunch係唔錯嘅選擇

同事有點掛住"招牌芝士熔岩蛋漿飯"，於是一齊去食飯意！ 幸好，不算是太多人，所以也不用等位。我們一行五人分別叫了1）招牌芝士熔岩蛋漿飯 X 3店員放左兩碗材料：蛋漿同芝士，等飯到就將材料加入鐵板一齊炒，好香！飯內有午餐肉、泡茶同好濃芝士味，仲可以拉到芝士絲，整體係好濃味⋯(賣相影得不太美觀）2）鐵板韓式芝士炒年糕成個鐵板只有三條年糕，想分享都難！而且年糕仲好"粉"，一點也不好食，成碟野能食的只有個三仔麵了⋯ 不建議叫這個3）照燒雞扒蛋包飯反之，午市套餐都還不錯⋯蛋算滑，雞扒正正常常，跟餐有野飲，整體okay.

食間係小編lunch 之選推介比大家，一黎又平，幾十就食到個高質既蛋包飯其實佢依間都有好多選擇，我就叫左豬頸肉配蛋包飯，豬頸肉炸得香口但有肉汁，唔會太乾，佢配左啲芝麻醬就更開胃，最重點係個蛋勁滑

夜晚去西九買完野已經8點半，想同朋友隨便食個晚飯，就行過幾條街，見到佢門口放左啲menu係度，睇落唔錯，個場又唔係滿座，唔洗等於是就入去坐低。入到去想話再睇下menu，點知個店員夾漏左晚市個張，我地問佢拎來睇，都問左2次先拎到。😢其次我地想落單個時個店員又行得飛咁快，好似聽唔到我地話要寫野咁。個人疑問呢個係咪香港茶記嘅特色？😢唔算等得耐，我要個碟 黑椒汁煙肉漢堡薯餅蛋包飯（$43）就來左。佢其實唔算係蛋包飯，因為隻蛋係就咁放係飯上面嘅...😂 不過白飯好多，我胃口唔算勁，份量同呢個價比，我就覺得都可接受嘅。佢仲有埋沙津係度，算係幾好嫁喇。可惜佢薯餅好細粒，黑椒汁都少得濟，大家可以試下叫多汁。朋友就叫左芝士雞扒焗飯（$43），不過不失，芝士唔錯，塊雞都大塊嘅，但就真係得塊雞囉，冇其他配菜了，頹。😂凍飲+$2，天口熱我地一人一杯凍檸茶，好彩檸檬唔苦。👍

荔枝角餐廳選擇太少,我地今話到去長沙灣～！地膽同事表示會呢間係好食，見到menu又真係幾多選擇都好多元化煙鴨胸沙律菜配蒜蓉包沙律菜好新鮮,咬落去索索聲,不過沙律醬可以少d.鴨胸都幾扎實入味,唔算好鹹,剛好帶足夠鹹味.個蒜蓉包真係無得頂!超大塊超香脆,食完都幾飽~~招牌芝士熔岩蛋漿飯同事叫呢個簡直係pepper lunch以上~~無諗過佢製作咁精心，非常足料，芝士真係流曬出黎，鹹香味滿瀉，Ｄ飯又夠咬口唔會太林，呢個價錢真係好抵玩！

琴日食同今日食完全兩個size個員工講 每隻蛋都有吾同大細.. 個大細都出入好大啵 巨蛋同正常蛋既分別？（笑完全失望.. 希望下次有所改進..同埋杯凍飲啲冰完全有雪藏味好難頂

中午來吃飯，叫了個午餐茄蓉煙肉意大利粉比小朋友食，小朋友食左一啖話有怪味，於是我們就試食，點知除了有怪味外，聞落都有陣酸縮臭味，於是同店員講，店員不理會，我們要求換餐算，點知個店員話唔可以換餐，只可以比返同一個餐，我心諗全部午餐都係同一價錢，點解唔可以換餐，咁就算，咁我話取消唔要，個店員竟然話取消個餐都要收錢，嘩！咩道理呀！明明個餐有問題點解係要人食返呢個餐，仲要如果取消都要比錢，那就不是取消吧！係咪有問題？飲品加錢又唔講，仲要食完就想趕人走，勁差既餐廳 ，以後唔會再幫襯。

原條鰻魚瀑布厚多士鰻魚飯就食得多鰻魚厚多士都係第一次食仲要$68就可以食到原條鰻魚😍賣相吸引❤️鰻魚肥美 炒蛋好滑而且仲有蛋汁鰻魚汁比較濃味多士放耐左會比蛋汁同鰻魚汁整淋大家記得唔好比相機食甘耐😂如果多士可以再烘耐少少會更加脆總括而言緊係同高價高質鰻魚專門店冇得相題並論但絕對係一間CP值高的中價飯堂👍🏻

野食唔錯既 音樂都好聽 仲諗緊下次黎食咩好但....之後就發生左令我好失望既事星期日既晏晝 同朋友滿心期待咁黎到入面眼見好多小朋友parttime員工我叫下午茶餐 朋友叫白汁蛋包飯叫下午茶餐有得+$8雞翼 落單時我問職員有幾多隻佢答我 你想加幾多隻 我當堂黑人問號😨落單後等左十分鐘 已經送錯左人地個餐去我地到然後再等啦 朋友個白汁飯變左麻胡醬職員拎走左兜野 等左十分鐘 見到碟白汁出黎喇結果拎左去第二枱 一分鐘後同一碟野拎返去廚房🤡(即係佢地又送錯左我地碟野去人地到)等到我碟野終於食完喇 朋友兜野仲未有影啲職員係咁圍住我地眼望望 見到朋友枱仲未有野又冇任何表示架喎 (佢個刻先知頭先送錯左去人地到)又過多五分鐘 我地臨起身準備走 佢兜野終於出黎 我地死死氣食埋佢重點係由頭到尾啲職員一句唔好意思都冇講過 仲要態度唔好！依家既新一代係咪唔知咩叫敬業樂業？

好耐之前試過旺角嗰間，今次去開西九龍溜冰順便試吓深水埗間飯意可能係因為星期日夜晚嘅關係，冇咗班寫字樓客，所以唔使等位就可以即刻入去！<主題小食拼盤$46> （評分：3/5）小食拼盤係幾豐富嘅，有薯格、香草腸、雞翼、吉列蝦、帶子同埋沙律🥗小妹覺得拼盤裏面嘅薯格同埋雞翼係最好食嘅兩樣都揸得好脆而且雞翼亦都非常之入味同埋好juicy！不過吉列蝦同埋吉列帶子就媽媽地，兩樣都炸得太過乾，而且仲好重雪味，不過如果幾個人食又口痕痕都可以嗌黎一齊share嘅<招牌芝士熔岩蛋漿飯$50> （評分：4.5/5）作為一個芝士紅每一次食飯已都一定要食呢個招牌芝士熔岩蛋漿飯！癲完相依家熔岩蛋漿飯嘅時候會將蛋漿同埋芝士粒分兩隻碗另上，然後職場將蛋漿同埋芝士粒林落個鐵板上面，查一聲將所有嘅嘢撈埋一齊就成為咗呢個芝士熔岩蛋漿飯喇！睇住個店員將啲嘢撈埋一齊真係好有成就感個飯有好重嘅芝士味，而且因為芝士係啱啱淋上去嘅，未溶嘅芝士仲可以拉到芝士絲，撈埋啲蛋漿同埋肉一齊食每一啖都好有層次感！50蚊貨仔可以食到咁樣嘅水準真係好抵食！<炸雞扒濃湯芝士鍋$58> （評分：4/5）呢個

坦白，真係唔好食第一次寫食評首先D飯淋過毛巾加左五蚊芝士叫左兩次都未黎個飯都凍哂，加芝士都唔溶仲要得勁小跟住我朋友又加芝士份量完全唔同問佢點解，佢話專登俾多d我地但其實其他人都咁多又勁多油不過六十幾蚊都唔好咁高要求食過一次就夠覺得paper lunch 真心好食d

哩間感覺上似係韓式+西式餐廳，如果點個岩漿飯會有表演睇，都係在食客面前表演即炒芝士，拉絲效果都幾長，炒完一定要趁熱食，否則好快就會黐底，最緊要哩到食物價錢好貼地。

這家餐廳已經不是第一次來了，之前幾次都是點了招牌二人餐，份量非常多，足夠三人分享。我尤其對這裡的酥皮海鮮湯念念不忘，今晚約了家人晚飯，剛好三人，正好再來這裡回味一下。招牌二人套餐，套餐包括︰沙律X2，小食，酥皮湯X2，主菜8款選2款，今次我們選了BBQ燒豬肋骨及招牌芝士熔岩蛋漿飯。沙律有鮮果沙律及雜菜沙律，沙律一般，由於沙律醬偏甜，不太合胃口。酥皮海皇忌廉湯，這個湯是我最期待的，金黃色酥皮，單單是賣相已經滿分了。酥皮焗得鬆脆可口，打開酥皮，內裡更精彩，蝦、蜆、青口，真是落足料呀！忌廉湯入口香滑，味道適中。小食三寶︰有炸雞塊，雞中翼，魷魚圈，味道一般，炸雞塊略嫌粉漿厚了一點。主菜︰原條BBQ燒豬肋骨 (需另加HK$18)份量很大的燒豬肋骨，上面灑滿白芝麻，豬肋骨非常香口，豬肋骨本身已非常入味，無須沾醬料，而且附送的醬料味道偏酸，不沾醬料更好吃。主菜︰招牌芝士熔岩蛋漿飯炒飯用熱熱的鐵板盛載，配料豐富，包括︰火腿，煙肉，泡菜，紫菜等…上桌後，職員會將蛋漿及芝士碎倒進鐵板內混合，即時香味四溢。炒飯非常惹味，芝士味不算太濃，但有拉絲效果，配料充足，口感豐富。這款是另加的小食︰岩漿芝士鐵板肉醬薯條

很久沒有來了，其實本身有事幹到長沙灣附近，但是之後去看看轉彎那間雲南米線，內裏卻又是人山人海😖，於是就找找附近有什麼值得懷念。 結果便來這一間<<飯意主題餐廳>>，看看有什麼是日午餐，其實本身看到餐牌上面有🤩蛋包飯，於是便不假思索的內進。結果，落單之後，竟然是過了5分鐘左右，店員才前來，告訴我B餐的蛋包飯沒有了，就像是 「要騙人先要騙自己」😨，並未在門口先告訴我，落單的時候亦都沒有告訴，下單之後，連飲品都下單了，才告知客人😒。結果，客人感到，反正都坐下了，結果就自自然然會另選一個餐😐。結果便點了店內大熱的鐵板雞扒司華力腸飯。雖然形式看來好像Pepper Lunch這一間著名的鐵板餐🤔，但是，店內沒有芝士，亦都不太覺得有黑椒味道，亦都沒有蛋在上邊，就連醬汁，都已經是由店方一早到在鐵板上面😪。雖然看來賣相不錯，端來的時候亦都火燙燙，鐵板直冒着煙，飯的份量亦都不少。雞扒看來大大塊，但是內裏亦都不乏比較乾身的地方，因此吃上來，比較乾身。司華力腸，看來好像很大條對嗎，但其實只是其中一邊，基本上這麼一節，應該可以分成3份，每邊120度，司華力腸則的放在鐵板的旁邊，就