讚好台灣

营业中

休息中

我住左喺红磡九年几，就食咗赞好八九年。佢哋由一间铺扩张到两间𠮶时，我都见证住。当时亦都系佢哋最多人食嘅一段日子😯 不得不承认，佢哋亦都系从𠮶时开始退步。例如盐酥鸡又干又细粒，个便当以前有茄子菜莆𠮶啲，佢够胆死俾啲自制萤光嘅泡菜俾我。。所以对上一次帮衬佢哋已经系半年有多。不过言归正传，今日夜晚六半行过见哋静英英，真系惊佢哋静到会执。叫咗个卤肉盐酥鸡饭同冻柠茶，出奇地又有返以前令人连排队都想食𠮶个感觉，系就系啲服务态度有啲奇怪 😂🤣 但食物质素都仲 ok，所以值得俾多次机会佢哋。