奔之食堂 (已結業)

冇得飞台湾，唯有喺香港食台菜😭之前食过铜锣湾店几次，今次试下尖沙咀店，环境更宽敞，装潢带有古早味。原来呢间店系歌手龙小菌有份投资嘅。我哋几个女仔咩都想试，叫到成枱都系！最后当然吃清光！特别钟意呢度嘅小食葱饼有少少似手抓饼，外皮微脆，咬落有韧度，入面包左牛𦟌、酸菜、青瓜，加埋甜面酱，味道丰富。三宝面包括牛腩、牛筋、牛肚，汤头清爽唔会过咸，有药材香～牛腩松化无渣，面条带嚼劲。甜品当然要点芋圆！有双色地瓜圆 (口感烟韧)、仙草、黑糖珍珠，我仲见到店员现场焖煮黑糖，珍珠Q弹，黑糖味好香浓。