影片
更多
2009-06-28
22 浏览
寻晚(27-6-2009 Sat)同男友应女友人KT之约,同男友人LKH,佢两个女,未来女婿,女友人D同女友人M共九人o黎食个晚饭.6:20pm我同男友先到,o系等人期间,侍应们都有殷勤招待,(唔知系咪时间太早,未有太多客)礼貌周周地服务,当KT同LKH到o黎后,侍应就会叫我o地叫住小食食吓先.但我o地都’忙’著,所以冇理佢o地.但其实,枱上已有前菜,系微辣o既花生,豆腐粒,青瓜.等吓等吓,D,LKH两个女都o黎到,其余两位都迟啲至到,咁我o地都叫o野食啦,侍应系咁推介一个八人套餐,又话填鸭要45分钟制作,所以叫我o地落o左单先,混乱间我懒得问就求祈应好啦,要呢个餐,好彩之后有畀LKH大女睇,佢话成$1,980.00㖞,而且散叫重有折添,于是大家再谂.我就谂o左担担面,男友拣椒盐猪扒,D拣小笼包,KT拣淮扬三娘春卷,LKH两个女拣豆苗同唔知咩鱼,填鸭两食同赛螃蟹其八样.由人未人齐,LKH大女叫侍应7:15pm至上菜,点知落单冇耐就陆续上.1. 豆苗呢个清清地,冇乜问题.味道: 3分2. 九只灌汤小笼包其实一客四只,但可以加钱加一只咁,咁就唔会搅到有啲人冇食,几有弹性,唔错o既.的确系有
6:20pm我同男友先到,o系等人期间,侍应们都有殷勤招待,(唔知系咪时间太早,未有太多客)礼貌周周地服务,当KT同LKH到o黎后,侍应就会叫我o地叫住小食食吓先.但我o地都’忙’著,所以冇理佢o地.但其实,枱上已有前菜,系微辣o既花生,豆腐粒,青瓜.
等吓等吓,D,LKH两个女都o黎到,其余两位都迟啲至到,咁我o地都叫o野食啦,侍应系咁推介一个八人套餐,又话填鸭要45分钟制作,所以叫我o地落o左单先,混乱间我懒得问就求祈应好啦,要呢个餐,好彩之后有畀LKH大女睇,佢话成$1,980.00㖞,而且散叫重有折添,于是大家再谂.
我就谂o左担担面,男友拣椒盐猪扒,D拣小笼包,KT拣淮扬三娘春卷,LKH两个女拣豆苗同唔知咩鱼,填鸭两食同赛螃蟹其八样.
由人未人齐,LKH大女叫侍应7:15pm至上菜,点知落单冇耐就陆续上.
1. 豆苗
呢个清清地,冇乜问题.
味道: 3分
2. 九只灌汤小笼包
其实一客四只,但可以加钱加一只咁,咁就唔会搅到有啲人冇食,几有弹性,唔错o既.
的确系有好多汤汁,大家夹o既时候,好易整穿啲皮,食落,内里o既肉大大旧,味道适,中可以.
味道: 3.5分
3. 淮扬三娘春卷
呢个热辣辣,好脆,但内里仍有菜汁,一啲都唔干,有绍菜,冬菇丝同唔知咩,呢个系有惊喜.
味道: 4.5分
4. 椒盐猪扒
呢个比春卷冇咁热,但都可口,如果唔蘸淮盐食就可能唔够味,猪扒松软但又唔太油腻,可以o既.
味道: 4.5分
5. 唔知咩鱼
细细条o既,食落,条鱼好滑,个个都赞,而因为我食o既时侯冇乜醮汁,所以唔知啲汁o既酸甜程度.
味道: 4分
6. 赛螃蟹
而上o既唔系生鸡蛋,而系烚o闳蛋黄碎,赛螃蟹好够滑,呢个都好好味,可惜都几细碟.
味道: 4.8分
7. 片皮鸭
肥瘦适中,如果净食,味道好清淡,不过不失啦.
味道: 3分
8. 鸭骨汤
有豆腐娲菜同煲,汤清得o黎都有味,鸭肉鸭骨冇乜味,算系有啖汤饮吓咁啰.
味道: 3分
9. 担担面
我o地留到最后至叫,叫o左三碗.我估唔到呢个系辣o既,落order时问侍应有冇𩠌,佢答冇.而上到o黎,睇佢卖相都系冇乜𩠌,咁大家share o黎食,当有人’包底’食时,至知原来底o度有虾干同肉粒,佢o地话好好食.而我食o左啲面,我觉得辣,而且觉得一般,又冇花生香.
味道: 3分
最后系甜品时间,本来想叫拔丝苹果,但侍应话要等四十五分钟,唔可以啦,我o地有朋友一定要o系9:15pm前走,o个时都8:30pm喇.缘悭啦.
咁我o地就叫两碗酒酿芝麻丸子,同一点三件o既咖啡冻,谂住叫三碟,咁个个都有得食啦.但侍应提议我o地叫一碟咖啡冻,一碟椰汁糕,咁就有唔多味道啦.啊,咁好啦.
10. 酒酿芝麻丸子
o黎到,丸子唔系好大粒,内里o既芝麻甜度适中,丸子烟韧,而糖水我冇乜点饮到.
味道: 3.8分
11. 咖啡冻
造型唔差,咖啡味唔太浓唔太甜,几好味.口感亦几好.
味道: 5分
12. 椰汁糕
同样,呢个口感比较腍,味道亦中规中矩.
味道: 3分
呢餐埋单: $1,152.00
环境:
好富丽堂皇,都坐得几舒服.
服务:
行入去时,个个都会同你讲欢迎,走o既时候都会讲多谢晒.
而开头少客o既时候真系好好,一full晒就会差啲啲.
但冇谂到,斟o左壶水o黎,滴到客人只手o既事会o系呢o度发生啰,好彩当时啲水都唔系好热.
张贴
