更多
2021-01-20
947 浏览
去到太安楼花多眼乱,通常一定有啲食开继续食。不过都睇下有冇新开嘅支持下。有好多想试,但好多都系炸野,见到肠粉清清地就买黎中和下。都有堆人排队,又有好评就试试。叫左咸蛋牛肉肠加莞茜。等左好耐,应该接近半个钟。似系夫妻档做,厨房得一个男人,收银一个女人,做唔切,好多单。卖相几好,酱汁分开。个汁唔太咸,但本人觉得可以咸多啲啲。BUT,个肠粉唔得。讲米味无乜米味,然后,好稀好烂,已经系即刻食,捞左汁系夹都夹唔起。一pat野咁,有啲似呕吐物都费事影。然后,食完几啖后,有少少酸味浮返出黎,系咪米浆唔太新鲜?不会再吃了。
张贴