川莊

营业中

休息中

老婆想食辣嘢，今晚嚟咗呢间川庄试下。去到门口，都几多人等紧，不过好彩2人枱去得几快。等咗半粒钟到就入座。呢度原来都有手机下单，都几方便。喺拣紧食咩时，先冲杯八寳茶。焗一焗先饮，茶味带少少甜。先嚟个土豆丝，辣味好怪，好"人工制造"。水煮鱼。配料拣咗长豆卜，秀珍菇，牛栢叶同木耳。佢啲木耳我就话系云耳，唔知有无执错料。呢个水煮嘅辣就天然啲，我地叫咗2级辣，下次应可再加辣。鱼肉份量都多多，肉地算嫩滑。叫多个烧羊架，唔够骚。胜在调味够味同热辣辣。不过$42有点贵。叫多个小馒头，有12粒。一啖一粒，点埋炼奶解下辣。整体不错，应会再嚟帮衬。