Outback Steakhouse (東薈城名店倉)

营业中

休息中

口讲自己系黄丝，但系发觉自己写黎写去都系蓝色商店，有种食紧人血馒头既感觉。今次系outback，老细请食饭就无计啦(发觉自己一定有种种籍口...)。入到去既侍应同座位都系ok既，但系实在太太太多人，排左我45分钟...如果唔系要食我谂都真系唔会特登排...去得outback一定系食佢个黑糖面包啦! 每次食之前都有种期待既感觉 因为佢热辣辣好软熟既感觉，真系不得不赞。最后3条友食左3个 只要脸皮够厚 多多都有得你食。但系牺牲既就系你对主食既感觉。我自己就叫左个烟肉带子白汁risotto，非常唔错。个带子煮得岩岩好唔会太老，个risotto有啲车厘茄都开胃既(食到尾略嫌太多)。其实唔止车厘茄，系成个饭都多，食左一半就觉得好饱 唔系一般既饱。因为个饭真系好腻，为左唔浪费食物最后都系食哂佢，但系腻到想呕呢种感觉一啲都唔好受。食黑糖包既代价实在太大。