寢宮

营业中

休息中

前排都几忙下，难得近期冇咁忙，就约个朋友饮杯嘢Relax下 Chill 下先！行完美丽华最就脚就系去诺士佛台𠮶边饮嘢，不过我又嫌地舖𠮶几间太嘈，所以就拣咗楼上人少啲嘅清吧！😙见《寝宫》呢个名咁得意，所以就决定上去睇睇啦！呢个场都几大下，仲有唔同嘅玩乐设施，不过我全部都唔识玩！哈哈！😝😜🤪一行两人点咗个西班牙海鲜拼盘、Pizza及黑松露薯条同两杯Cocktails! 个拼盘都几丰富的，有烟三文鱼、鳀鱼、鱼子酱及阿根廷黄金螺，而个Pizza 嘅芝士又够邪恶，加上香脆嘅薯条，呢餐真系肥仔啦！而我最欣赏系佢哋嘅Cocktails, 因为唔系度度都饮到的, 分别系Blue Sheet 同Earl Grey Remix，蓝色𠮶杯带荔枝味的，感觉好fresh, 而啡色𠮶杯带一点茶味, 口感独特！🍸🍹嚟呢度倾吓计吹吓水饮下嘢都唔错的，而家啲酒吧大部份仲要有埋嘢食，唔使Dinner 完后再转场，非常之方便！😝👍🏻