更多
2024-09-22
27 浏览
元朗好多酸菜鱼铺,依间除左有得叫一大盘酸菜鱼,仲有小笼包、小菜。用QR code落单,餐牌多咗好多种类嘅食物。一大盘酸菜鱼,酸辣惹味,鱼片嫩滑冇骨,而且份量好多,汤内有芽菜、莴荀片,抵食又美味。秘制牛肉厚切,有落辣油但唔算好辣。而青瓜冰凉爽脆,最适合夏天食,又开胃。包点类肉夹馍一定要叫,因为外皮超脆,入面夹住肥瘦肉、少辣青椒,好好食。鲜肉小笼包子热辣辣出烟,肉团鲜甜,包子烟un。红烧肉肥瘦适中,炆到软冧入味,饭量多到男仔都食得饱~少油少盐选择都可以自选,非常之好,抵食又大份既中菜。虽然冇叫拉面,因为太饱,但隔离枱有叫缘故,可以见到师傅即场拉面条,好劲。
张贴