川熙樓 (已結業)

今日朋友话可以早收工过黎同我食晚饭，难得有个食得辣的朋友available ，即刻上黎OPENRICE 望下尖沙咀有咩辣野好食先。 川熙楼系食川菜的，之前听人讲都话呢间餐厅几好味，听左几年，终于可以试下了。 店内装修陈设都几「骨子」，坐得舒服又唔迫，系倾计食饭的好地方。 一坐低，即刻冲壶茶比我地饮，餐前小食有麻辣花生同埋酸辣藕尖，花生辣辣地好醒胃，一食就停唔到口。藕尖咬落质感好爽口，口感似食西芹，但无西芹的草青味，酸酸地唔觉辣，反而好似一啲解辣的食物，中和左其他食物麻辣的味道。 木耳下面有啲青瓜丝舖底，吸收左啲辣汁，捞埋木耳一齐食，调味刚刚好，又爽口又美味。 用左超大量辣椒黎煮，鸡丁走过油，好香口，腌得入味，旧旧干身又无骨，一个人食晒一碟我都无问题。 四季豆有个类似雀巢的伴碟，我同朋友都即刻拆烂佢捞埋啲四季豆一齐食。离远都闻到孜然的香味，之前多数系用黎炒牛肉、羊肉，用黎煮四季豆都系第一次食，好惹味，用黎送饭一流。 今餐非常之满足，两个人食，每人都系$200 ，抵食又好食。