隨心華人喇沙海南雞

营业中

休息中

收工同朋友嚟咗系鲗鱼涌地铁站附近嘅随心华人，位置好就脚。餐厅名入面有晒我地想食嘅喇沙同海南鸡，问店员仲有无咩菜式推介我地，佢推荐火山排骨，呢道菜我系曼谷Jodd Fairs食过一次，决定系香港再试下~ 火山排骨: 上菜嘅时候职员会点火，火焰嘅效果令我地wow一声，打卡一流! 份量都好大，旧旧排骨比我拳头仲大。最有惊喜嘅系肉质，炆到好淋，一啲都唔韧，淋上香料，汤底微酸，味道唔辣，适合香港人口味。呢到嘅火山排骨比我系泰国夜市食嘅好食好多，我记得泰国夜市嘅排骨好韧，一味得个辣字，呢到就处理得好好多海南鸡喇沙: 喇沙汤底好香，店员仲好好咁过嚟介绍话系老板亲自打磨南姜等等嘅香料，食得出啖啖心机。海南鸡滑嫩新鲜，配嘅姜蓉打得够碎得嚟又有姜丝，正。要特别赞下店员态度真系好友善，见我地食火山骨就主动问我地需唔需要柠檬水洗手同比纸巾同骨碟，非常贴心呀